घाँटी रेटि महिलाको हत्या ,अनुसन्धान जारी, नतिजा चाडै आउने प्रहरीको बिश्वास

इसीमाना सम्वाददाता २०८० असोज ३ गते ०७: ४३ मा प्रकाशित 564 पटक पढिएको

वीरगञ्ज । जगरनाथपुर गाउँपालिका वडा नम्बर ५ मसिहानीमा ४० वर्षीया कान्ति देवी मुखिया बिन हत्या भएको छ । उनको आफ्नै घरमा मंगलबार साँझ घाँटी रेटि हत्या भएको प्रहरीको प्रारम्भिक अनुसन्धानबाट खुलेको छ ।

उनको शव अर्धनग्न अवस्थामै रहेको घटना प्रकृति मुचुलकामा उल्लेख छ ।बिनको टाउँकोमा चोट लागेको पाइएको छ । घटनास्थलबाट भने एउटा बाँसको भाटा पनि भेटिएको छ । त्यही भाटाले उनलाई प्रहार गरी हत्या गरिएको अनुमान प्रहरीको छ ।

दुई छोरा र ३ छोरीकी आमा हुन् बिन । जसमध्ये सबै छोरीहरूको विवाह भइसकेको छ । दुबै छोरा रोजगारीको सिलसिलामा बाहिर रहेका छन । एक जना विदेशमा र अर्को हेटौँडा बस्दै आएका छन । मंगलवार मात्रै बीरगंजको छपकैयामा फेला परेको शवको बारेमा सखानत हुन नसकेको प्रहरीको भनाई छ ।

घटनाको समय र प्रकृति एउटै भएकोले हत्याको अनुसन्धान पेचिलो बेनेको छ । यद्धपी एउटै समय र प्रकृतिको घटना भएको प्रश्न तेर्सिए पनि २ वटै घटनाबीच आपसी सम्बन्ध नरहेको पर्सा प्रहरीको स्पाष्टोक्ती छ ।

प्रहरी प्रवक्ता डिएसपी कुमारविक्रम थापाले भने,‘समय र प्रकृति एउटै भएपनि त्यो संयोग मात्रै हो, कहिलेकाँही यस्तो हुन्छ । अनुसन्धान जारी छ चाँडै नतिजा पनि आउँछ ।’हत्याका घटनाका कारण कानूनी ब्यवस्थालाई भने गम्भिर चुनौती थपिएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।