सूचनाको भोक मेट्ने रेडियो प्रभावकारी माध्यम होः पूर्व महानगरप्रमुख सरावगी

इसीमाना सम्वाददाता २०८० भदौ २७ गते ०९: ५५ मा प्रकाशित 388 पटक पढिएको

वीरगन्ज । बीरगंज महानगरपालिकाका पूर्व प्रमुख बिजय कुमार सरावगीले आम नागरिकको सूचनाको भोक मेटने प्रभावकारी माध्यम रुपमा रेडियो नै रहेको बताएका छन ।

बुधबार साँझ होटल मकालुमा आयोजना गरिएको सामुदायिक रेडियो नारायणी एफ.एम.१०३.८ मेगाहर्जको आजीवन सदस्यता वितरण कार्यक्रममा उनले यस्तो बताएका हुन ।

उनले रेडियो एफ.एमहरु मध्य सामुदायिक रेडियोहरुले समाज रुपान्तारणका लागि खेलेको भूमिका अझ अनुकरणीय रहेको बताए । सरावगीले सामुदायिक रेडियो अन्य व्यावसायिक रेडियो भन्दा फरक रहेको र यसले खेलेको प्रभावकारी भूमिकाले नै समाजमा पनिवर्तनहरु देखिएको बताए ।

उनले सञ्चार माध्यमहरु धेरै भएपनि जनताको न्याय र सुशासनको पाटोमा भने थोरैले मात्रै भूमिका खेल्ने गरेको उल्लेख गर्दै अहिले संघीयतापछि भए गरेका भ्रष्टाचार र अनियममितताको विरुद्ध सामुदायिक रेडियोले नै बोल्न सक्ने र बोल्नुपर्ने बताए ।

जीतपुर सिमरा उपमहानगरपालिकाका नगर प्रमुख राजन पौडेलले संघीय संरचनापछि पनि आम मानसिकता र मिडियाहरुको मानसिकता यथास्थितिवादी नै रहेकोले त्यसको परिवर्तनका लागि सामुदायिक रेडियोको भूमिका महत्वपूर्ण रहेको बताए ।

उहाँले संघीयतामा तीनै तहका सरकारहरुको अधिकार क्षेत्र, काम, कर्तव्य र अधिकारको विषयमा अझै नागरिकमा पुग्न नसकेकोले संघीयताको अभ्यासलाई जन जनमा पुग्ने गरी कार्यक्रमहरु आउनुपर्ने बताए ।

नेपाल पत्रकार महासंघका केन्द्रीय सदस्य के.सी. लामिछानेले सञ्चार मध्यमहरु मध्य अहिलेपनि रेडियो नै प्रभावकारी सूचनाको माध्यम भएको बताए । उनले अझै धेरै नागरिकको विश्वासिलो सूचनाको माध्यम भनेको रेडियो नै भएकोले सामुदायिक रेडियोले प्रवाह गर्ने सूचना अझ धेरै विश्वसनीय हुनुपर्नेमा जोड दिए ।

नेपाल चिकित्सक संघका उपाध्यक्ष डाक्टर निरज सिंहले नारायणी एफ।एमले हरेक क्षेत्र र विषयमा निरन्तर सूचना प्रवाह गर्दै आएको बताउदै आम नागरिक र श्रोताको अझ सशक्त माध्यम बन्नुपर्ने बताए ।

नारायणी एफ.एमका कार्यकारी अध्यक्ष गोविन्द दोवकोटाको अध्यक्षतामा भएको कार्यक्रममा एफ.एम।का आजीवन सदस्यहरुलाई प्रमाणपत्र वितरण गरिएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।