बुहारीका निम्ति उत्तरपुस्तिका तयार गर्ने ससुरा र पर्यवेक्षक रंगेहात पक्राउ

इसीमाना सम्वाददाता २०८० सावन ३१ गते ०८: २० मा प्रकाशित 433 पटक पढिएको

वीरगञ्ज । त्रिभुवन विश्वविद्यालय अन्तर्गत स्नातक तह दोस्रो वर्षको परीक्षामा उत्त।पुस्तिका साटफेरमा संलग्न रहेको आरोपमा प्रहरीले दुई जनालाई पक्राउ गरेको छ ।

पक्राउ पर्नेमा परिक्षामा पर्यवेक्षकको रुपमा खटिएका त्रिजुद्ध स्कुलमै कार्यरत शिक्षक विनोद कुमार स्वर्णकार र ठाकुरराम बहुमुखी क्याम्पसको पूर्व कर्मचारी मोहन यादव रहेका छन ।

यादवले परिक्षामा सहभागि आफनो बुहारीकोलागि बाहिर नै उत्तर पुस्तिका तयार गरि पछि कपीको चाङमा समाविष्ट गर्ने बेलामा प्रहरीले सूचना पाएपछि उनीहरुलाई पक्राउ गरेको हो ।

प्रहरीले दुबै जना प्रश्नपत्र बाहिर लाने र बाहिर नै उत्तरपुस्तिका तयार पारी कापीको चाङमा मिलाउने काम गरेकोले उनीहरुलाई पक्राउ गरिएको जिल्ला प्रहरी कार्यालय पर्साका प्रहरी नायव उपरिक्षक दीपक गिरीले जानकारी दिए ।

यादवले वीरगञ्ज महानगरपालिका – ३ बिर्तास्थित श्री त्रिजुद्ध रघुवीर राम महावीर प्रसाद माध्यमिक विद्यालयमा जारी बीबीएस दोस्रो वर्षको परीक्षा दिइरहेकी आफ्नो बुहारीका लागि बाहिर नै जान्ने मान्छे लगाएर उत्तर पुस्तिका तयार पारेका थिए।

परीक्षामा सहभागी बुहारीका लागि लेखेको उत्तर पुस्तिका सहित दुवैलाई प्रहरीले पक्राउ गरेको थियो ।यादवले उत्तर पुस्तिका लगेर स्वर्णकारलाई दिँदै गरेको अवस्थामा उनीहरूलाई रङ्गे हात पक्राउ गरिएको डिएसपी गिरीले बताए । उ

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।