साप्ताहिक पत्रिकाको लोककल्याणकारी बिज्ञापन नरोक्न माँग गर्दै महानगरलाई ज्ञापन

इसीमाना सम्वाददाता २०८० असार २० गते ०४: ५७ मा प्रकाशित 389 पटक पढिएको

बीरगंज । वीरगंज महानगरपालिकाले साप्ताहिक पत्रिकाहरुलाई लोककल्याणकारी बिज्ञापन नदिने गरि नयाँ सूचीकरणको लागि सूचना आव्हान गरिएको भन्दै साप्ताहिक पत्रिकाका संचालकहरुले बिरोध गरेका छन ।

उनीहरुले साप्ताहिक संघर्ष समिति बनाएर वीरगंज महानगरका प्रमुख राजेशमानसिंहलाई बुधवार ज्ञापन पञ बुझाएका छन ।

जनतालाई सूचना प्रवाह गर्ने एक मात्र माध्यम साप्ताहिक पत्रिकाबाट शुरु भएको ऐतिहासिक कुरालाई स्मरण गर्न संघर्ष समितिले आग्रह गरेको छ । साप्ताहिक पत्रिकाहरुलाई दिदै आएको लोककल्याणकारी बिज्ञापन आर्थिक वर्ष ०८०/०८१ देखी नदिने गरि सूचीकरण अद्यावधीक नगरिएकोमा संघर्ष समितिले आफ्नो ध्यानकर्षण भएको जनाएको छ ।

वीरगंजबाट प्रकाशीत साप्ताहिक पत्रिकाहरुको संरक्षण एवं प्रवद्र्धनमा वीरगंज महानगरपालिकाको मुख्य भुमिका रहेकोले तथ्यलाई स्मरण गारउदै समितिले लाकेकल्याणकारी बिज्ञापनलाई निरन्तरता दिदै हालको दररेट बढाउन माँग गरेको छ ।

समितिले साप्ताहिक पत्रिकालाई वर्षमा चार वटा चाडपर्वमा प्रकाशित हुने शुभकामना विज्ञापन लोककल्याणकारी विज्ञापनमा समावेश नहुने गरी छुट्टै दररेट निर्धारण गरी उपलब्ध र वीरगंज महानगरपालिकाको आम संचार तथा प्रबद्र्धन समितिमा साप्ताहिक पत्रिकाको तर्फबाट पनि अनिवार्य रुपमा प्रतिनिधि राख्न माँग गरेको समितिका संयोजक शेषमन पंडितद्वारा हस्ताक्षरित ज्ञापन पत्रमा उल्लेख गरिएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।