कानु समाज पर्साको बैठक सम्पन्न

इसीमाना सम्वाददाता २०८० असार २ गते ०६: ४० मा प्रकाशित 340 पटक पढिएको

बीरगंज । कानु समाज पर्साको बैठकले बीरगंजमहानगरपालिकाको नगर अधिवेशन गर्नकालागि तयारी समिति निर्माण गरेको छ ।

बीरगंज स्थित शिवपार्वती अतिथि सदन घडिअर्वा, अशोक वाटिकामा बसेको बैठकले सोनालाल गुप्ताको संयोजकत्वमा ११ सदस्यीय समिति गठन गरेको छ ।

समितिको सदस्यमा वडा नं– ४ का वडाअध्यक्ष जगत साह कानु , वडानं –१२ का वडाअध्यक्ष सुरेश साह कानु, वडा नं–८ का वडा अध्यक्ष रितेश गुप्ता, वडा नं–१० का वडाअध्यक्ष सुशिल साह कानु, जियालाल गुप्ता, राजशंकर साह कानु, राजेन्द्र साहकानु, छोटेलाल साह कानु, दिपक साह कानु, र विवेक कुमार गुप्ता रहेका छन् ।

बैठकले समाजको सल्लाहकार समिति पनि निर्माण गरेको छ ।सल्लाहकार समितिमा समाजका पूर्व अध्यक्ष रामबाबुप्रसाद साह, भरत साह कानु, अकलेश साह कानु, प्रभेन्द्र साह कानु , जिराभवानी गाँउपालिकाका कृष्ण मोहन साह र छिपहरमाईगाउँपालिकाका रामेश्वर साह कानुलाई सदस्यमा मनोयन गरेको छ ।

बैठकमा समाजका केन्द्रीय अध्यक्ष किशोरी साह कानुको विशेष उपस्थिति रहेको थियो । बैठक समाजका अध्यक्ष लक्ष्मण साह कानुको सभापतित्वमा बसेको थियो भने बैठकको सहजीकरण समाजका सचिव श्रवण प्रसाद साह गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।