सिर्सियाको प्रदुषित पानी बोकेर पदयात्रा प्रारम्भ, सरकारले नसुने माइतीघरमा अनिश्चितकालीन धर्ना

इसीमाना सम्वाददाता २०८० जेठ ४ गते ०८: ५२ मा प्रकाशित 353 पटक पढिएको

बीरगंज । चुरे तथा वनजंगल संरक्षणको अभियानमा लागेकाहरुले बीरगंज काठमाण्डौ पदयात्रा शुरु गरेका छन । बिहिवार बीरगंज भएर बग्ने जलचरबिहिन सिर्सिया नदीको पानी बोकेर उनीहरुले पदयात्रा प्रारम्भ गरेका हुन ।

सिर्सिया नदीलाई प्रदुषण , अपहरणमुक्त गराउन र भूमिहीनहरुको भूमि अधिकार, रोजगारीका साथै चुरे वनजंगल संरक्षणका निम्ति जनआवाज आन्दोलन अन्तर्गत बिहीबारदेखि उनीहरुले बिरोध स्वरुप यात्रा शुरु गरेका छन । उनीहरुको माँग गराउने आन्दोलन भने काठमाण्डौ केन्द्रीत हुने बताएका छन ।

चुरे तथा वनजंगल संरक्षण अभियानका राष्ट्रिय संयोजक सुनिल यादवको नेतृत्वमा दर्जनौं अभियान्ताहरु पैदल यात्रामा सहभागी भएका छन् ।

संयोजक यादवले वीरगञ्जबाट सुरु गरेको पदयात्रा ११औँ दिनमा काठमाडौं पुगेर सिंहदरबारको गेट अगाडि सिरसिया नदीको प्रदुषित पानी पोख्ने र त्यसो गर्दा पनि सरकारले नसुने आफूहरु माइतिघरमा अनिश्चितकालीन धर्नामा बस्ने जानकारी दिए ।

सार्वजनिक जग्गा उद्योगपतिहरुले उद्योगको नाममा अतिक्रमण गरेको चुरे तथा वनजंगल संरक्षण अभियानका संयोजक सुनिल यादवले आरोप लगाए । उनले सिरसिया नदीलाई प्रदुषण गर्नुको साथै स्वास्थ्यसँग खेलवाड गर्ने काम उद्योगहरुले गरिरहेकाले यो अभियानको शुरुवात गरिएको बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।