आधारभूत शिक्षा कार्यक्रमको पालिका अध्यक्ष श्रेष्ठद्वारा अवलोकन

इसीमाना सम्वाददाता २०७९ माघ २३ गते ०९: ०४ मा प्रकाशित 474 पटक पढिएको

असासमान नेपालको आयोजनामा ठोरी गाउँपालिका भित्र संचालित आधारभूत शिक्षा कार्यक्रमको गाउँपालिका अध्यक्ष लाल बहादुर श्रेष्ठले सोमवार अनुगमन गरेका छन ।

ठोरी गाउँपालिका भित्रका बिद्यालय जानबाट बन्चित ८३ जना छात्राहरूलाई आधारभूत तथा ब्यवहारिक शिक्षा प्रदान गर्दै आइरहेको आसमान नेपालाले शिक्षण सुरुवात गरेको ६ महिना पछि गापा अध्यक्ष तथा ठोरीका अन्य जनप्रतिनिधिहरुले त्यसको प्रभावकारिताका बिषयमा अवलोकन गरेका हुन ।

ठोरी वडा नं– १ र ३ मा आज अवलोकन गरिएको ब्यापार योजना निर्माण गरेर सबैलाई सीपमूलक तालिम दिई रोजगार मूलक काममा लगाउने उद्देश्य राखिएको आसमान नेपालका ठोरी गाउँ पालिका संयोजक धर्मेन्द्र चौरासियाले बताए ।

ठोरीका सहभागीहरुको उत्साहजनक सहभागीतामा संचालन भइरहेको उक्त कार्यक्रमले बिद्यालय जानबाट बन्चित तथा बिद्यालय जान छोडेका १० देखि १८ बर्ष उमेर समुहकाछात्रा विद्यार्थीहरुलाई उद्यमशिल बन्न प्रोत्साहन मिल्ने आसमान नेपालले जनाएको छ ।

ठोरी गाउँपालिकाको वडा नं– १ र ३ का विभिन्न ठाउमा आज आयोजित कार्यक्रमहरुमा कक्षामा सहभागी विद्यार्थीहरुलाई चित्रकला, गित लेखन, कविता लेखन आदिमा प्रतिस्पर्धा गराई बिजेता हुने विद्यार्थीहरुलाई गाउँपालिका अध्यक्ष श्रेष्ठ, वडाध्यक्षहरु तथा समाजका अगुवाहरूले पुरस्कार स्वरुप टिसर्ट बितरण गरेका थिए । आसमान नेपालले ठोरीका १, ३ र ५ वडाका विभिन्न टोलहरुमा उक्त कक्षा संचालन गर्दै आइरहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।