मालपोत कार्यालय पर्साका प्रमुखसहित ६ जनाविरुद्ध विशेष अदालतमा भ्रष्टाचार मुद्दा दायर

इसीमाना सम्वाददाता २०७९ माघ २० गते ०६: १७ मा प्रकाशित 373 पटक पढिएको

वीरगंज/भूमिसुधार तथा मालपोत कार्यालय पर्साका प्रमुखसहित ६ जनाविरुद्ध विशेष अदालतमा भ्रष्टाचार मुद्दा दायर भएको छ ।

युवा स्पोर्टस क्लबको जग्गा व्यक्तिको नाममा गरेको अभियोगमा अख्तियार दुरुपयोग अनुसन्धान आयोगले मालपोत कार्यालय वीरगंजका प्रमुख कमोद तिवारी, तत्कालीन नायब सुब्बा शम्भु साह रौनियार, तत्कालीन खरिदार शिवप्रसाद साह तेली, रिन्ता कुमारी र वीरगञ्ज–३१ का खेख सफी अहदमविरुद्ध मुद्दा दायर गरेको हो ।

अख्तियार दुरुपयोग अनुसनधान आयोगले भ्रष्टाचार निवारण ऐनको दफा १२ अनुसारको मागदावी लिएको छ । दफा १२ अनुसार सरकारी कागजात नोक्सान गरेकोमा ६ महिना देखी १ वर्ष कैद र दश हजार देखी ५० हजार रुपैया जरिवाना हुने प्रवन्ध छ ।

प्रतिवादीबाट भएको कामले हुन आउने नोक्सान समेत असुल उपर गर्ने कानूनी ब्यवस्था रहेको छ । त्यसैगरि शेष सफी अहमद लाई ऐनको दफा २२ अनुसार कारवाही हुने ब्यवस्था छ ।

उनीहरुले स्पोर्टस क्लबको नाममा साविकको बेल्वा गाविस–८ मा रहेको १ रोपनी ५ आना जग्गा शेष सफी अहमदको नाममा गराएका थिए । यसका लागि फिल्ड प्रतिवेदन, निर्णयको टिप्पणी समेत पेश गरेर निर्णय गराएका थिए भने आफ्नो गलत निर्णय ढाकछोप गर्न मोठ समेत च्यातिएको अख्तियारको दाबी छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।