ज्यान मार्ने उद्योग कसुरमा संलग्न रहेको आरोप लागेका तीन जनालाई प्रहरीले गिरफ्तार गरेको छ ।
जिराभवानी गाउँपालिका वडा –१ महादेवपट्टी निवासी ४५ वर्षिय हिरालाल मुखिया विन २१ वर्षिय बिनोद मुखिया बिन, र १९ वर्षिय ललन मुखिया विनलाई प्रहरीले मंगलवार गिरफ्तार गरेको हो ।
०७८ सालको जेठ महिनामा जिराभवानी गाउँपालिका वडा नं १ महादेवपट्टी बस्ने वर्ष ३२ को कैलाश दास तत्वालाई आरोपीतहरुले ज्यान मार्ने उद्धेश्यले धारिलो हतियारले आक्रमण गरेका थिए ।
बाटो अवरुद्द गरेको भन्दै कैलाश दास र उनका भाई प्रभू परमेश्वर दासलाई गम्भिर घाइते बनाएका थिए । भियुक्तहरूको खोज तलासको क्रममा उनीहरुलाई गिरफ्तार गरिएको जिल्ला प्रहरी कार्यालय पर्साका प्रवक्ता डिएसपी दीपक गिरीले जानकारी दिए ।
पर्सा जिल्ला अदालतबाट ५ दिनको म्याद थप गराई उनीहरुबिरुद्ध अनुसन्धान शुरु गरिएको प्रहरीले जनायो ।
तपाईको प्रतिक्रिया