जुवाको खालबाट जनाका प्रतिनिधि , शिक्षक र स्वास्थ्यकर्मी गिरफ्तार

इसीमाना सम्वाददाता २०७९ माघ २ गते ०८: ४२ मा प्रकाशित 374 पटक पढिएको

बढनिहार । पर्सागढी नगरपालिका–३ बढनियार स्थित भागवत साहको घरबाट प्रहरीले जुवाडेलाई गिरफतार गरेको छ ।

नगद र तास सहित उनीहरुलाई गिरफ्तार गरेको जिल्ला प्रहरी कार्यालय पर्साका प्रवक्ता प्रहरी नायव उपरिक्षक दीपक गिरीले जानकारी दिए ।

प्रहरीले केही पूर्व र बर्तमान जनप्रतिनिधिलाई जुवाको खालबाट गिरफ्तार गरेको छ । जुवाखालबाट शिक्षक समेत गिरफ्तारीमा परेका छन ।

जुवातास खेल्दै गरेको अवस्थामा प्रहरीले छापामारी गरेर पर्सागढी नगरपालिका – १ का पूर्व वडा अध्यक्ष वेदमन दास थारु, स्थानीय शिक्षक गौरिशंकर चौधरी पर्सागढी नगरपालिका ८ बस्ने नेपाल राष्ट्रिय आधारभूत विद्यालय हरपुरका प्रधानाध्यापक विन्दा दास थारु, जितेन्द्र यादव, वडा नं ३ स्थित जनता मावि पकडिया बढनियारका शिक्षक एम। पाठक रहेका छन ।

त्यसैगरी वन कार्यालयका जमदार जीतबहादुर तमाङ्ग, वडा न २ ठेकेदार लक्ष्मण प्रसाद, पर्सागढी–९ बढेर्वा स्थित बडेर्वा मावि शिक्षक गौरी शंकर चौधरी, पटेर्वा सुगौली गापा वडा न ३ अब्दुल मुकेरी, पटेर्वा सुगौली स्वास्थ्य शाखाका सिनियर अहेब सखुवाप्रसौनी–१ दोहरीका दिपनारायण चौधरी, लाई जुवातास खेलेको आरोपमा प्रहरीले गिरफ्तार गरेको हो ।

प्रहरीले जुवाको खालबाट १ लाख २८ हजार १ सय ४० रुपैयाँ, ४ बुक तास पनि बरामद गरेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।