थारू संवत् २६४७ अवसरमा भब्य कार्यक्रम सम्पन्न

इसीमाना सम्वाददाता २०७९ माघ १ गते ०७: ०८ मा प्रकाशित 384 पटक पढिएको

थारू संवत् २६४७ तथा आदिवासी थारू समुदायको माघी खिंचडी पर्वको अवसरमा मध्य तराईको वीरगंज लगायतका बिभिन्न ठाउमा भब्य कार्यक्रमहरु सम्पन्न भएका छन ।

वीरगंजको आदर्शनगर रङ्गशालामा मनाउँदै आएको थारू महोत्सव यस वर्ष पुरानो बसपार्कमा मनाइएको छ । त्यस्तै जीराभवानी गाउँपालिका–५ सखुवनिया बजारमा माघी खिंचडी विशेष कार्यक्रम मनाइएको छ त्यस्तै पटेर्वा सुगौलीको वडा न–४ सुगौली ,सखुवा प्रसौनीको पचगावा र पर्सागढी नगरपालिकाको बढनिहारमा भब्य रुपमा कार्यक्रमहरु सम्पन्न भएका छन । कार्यक्रममा थारू परम्परागत संस्कृति, भाषा, पहिरन तथा खानाको साथै गीत र नृत्य प्रदर्शन गरिएको थियो ।

वीरगञ्जमा आइतबार आयोजना गरिएको माघी महोत्सवमा थारु समुदायसँगै अन्य समुदायका रीति सँस्कृति,खानाका स्टल राखिएको थियो। वीरगञ्जको आदर्शनगरमा रहेको पुरानो बसपार्कस्थित आयोजना गरिएको माघी महोत्सवमा यसपालि थारु समुदायसँगै अन्य समुदायको खानाको परिकारका स्टल, रीति संस्कृतिहरु झल्काइएको थियो। भोजपुरी, थारु र मारवाडी समुदायको ग्रामीण जनजीवन झल्किने गरि गाउाको प्रर्दशनी राखिएको थियो ।

मैथली भोजपुरी मारवाडी समुदायको परिकारको समेत स्टर राखएिको थियो । कार्यmक्रममा थारु गीत संगीत र नृत्य प्रस्तुत गरिएको थियो । कार्यक्रमको संचालन बिजया ओझैया र दीपेन्द्र चौधरीले गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।