मानव सेवा आश्रमको भवन निर्माणकालागि आदर्शनगरमा नेप्थ्यको सांगीतीक प्रस्तुती हुने

इसीमाना सम्वाददाता २०७९ मंसिर १७ गते ०८: ४० मा प्रकाशित 420 पटक पढिएको

मंसिर १६ गते विराटनगरदेखि सुरु भएको नेपथ्यको एक महिने सांगीतिक यात्रा अन्र्तगत भोली १९ गते वीरगंजमा प्रस्तुती हुने छ ।

वीरगन्जको आदर्शनगर रंगशालामा मंसिर १९ गते सागीतक कार्यक्रम हुने मानव सेवा आश्रमले शनिवार पत्रकार सम्मेलनको आयोजना गरेर जानकारी दिएको हो ।

वीरगन्जको आदर्शनगर रंगशालामा मंसिर १९ गते सोमबार अपरान्ह ४ बजेदेखि बेलुकी ८ बजेसम्म सांगितिक प्रस्तुती रहने छ ।

सांगीतिक प्रस्तुतीका लागि नेपथ्य व्याण्ड वीरगन्जमा आईपुगेको र तयारी तीब्र भईरहेको सांगीतिक कार्यक्रमका संयोजक गणेश लाठले बताए । लाठले यो पटकको प्रस्तुतीले वीरगंजको पहिचानलाई सकारात्मक दिशा दिने बिश्वास ब्यक्त गरे ।

उनले मानवीय सेवामा समर्पित सांगीतीक प्रस्तुती मार्फत वीरगंजले सकडमानव मुक्त नेपाल बनाउने अभियानलाई बल पुर्याउने बताए ।

सहयोग स्वरुप एकहजार दरको टिकटको व्यावस्था गरिएको जानकारी दिदै अहिले सोचे अनुसारको टिकट विक्री नभएपनि कार्यक्रम आयोजना हुने दिनमा टिकट विक्री बढ्नेमा आशावादी रहेको मानव सेवा आश्रमका संरक्षक प्राध्यापक डाक्टर दीपक शाक्यले बताए ।

मानव सेवा आश्रमका केन्द्रीय अध्यक्ष रामजी अधिकारीको अध्यक्षतामा भएको पत्रकार सम्मेलनमा शाक्य, लाठ सहित शिवजी गुप्ता, मिनाक्षी गुप्ता, प्रकाश थारु लगायतको पनि उपस्थिति रहेको थियो ।

अन्तिममा नेपथ्य ब्याण्ड राजधानी काठमाडौं पुग्नेछ। काठमाडौंको पुस १६ गते भृकुटीमण्डपमा हुने कन्सर्टमा नेपथ्यले आफ्नो अन्तिम प्रस्तुती दिनेछ। आफ्ना गीतहरूलाई ‘मानवता प्रवर्द्धन अभियान’सँग जोड्नका लागि नेपथ्यले यो अभियान चलाएको बताइएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।