दुर्घटनामा परि पर्सामा तीन जनाको ज्यान गयो

२०७९ कार्तिक ८ गते ०७: २० मा प्रकाशित 381 पटक पढिएको

वीरगञ्ज महानगरपालिका वडा नम्बर ८ पानी टंकी सडक खण्डमा मोटरसाइकल दुर्घटना हुँदा १९ वर्षिय युवाको मृत्यु भएको छ ।

ना ४६ प ३२९७ नं। को पल्सर मोटरसाइकल सोमबार मध्यराती सडकछेउमा रहेको बिजुलीको पोलमा ठोक्किँदा मोटरसाइकल चालक अनुप राईको मृत्यु भएको हो ।

टाउको तथा खुट्टामा गम्भिर चोट लागि, घाईते भएको अनुप राईलाई प्रहरी समेतको टोलीले ए.एम.सी. ।अस्पताल वीरगञ्ज लगी भर्ना गरेको थियो । उनका उपचारको क्रममा ज्यान गएको हो ।

सोलुखुम्बुको सल्यान गापाउँपालिका वडा नम्बर २ स्थायी घर भई वीरगञ्जमा बस्दै आएका थिए । यसैगरि

बिन्दबासिनी गाउँपालिकामा घरको स्ल्यापबाट लडेर वडा नं ३ इटियाहीका १६ वर्षीय अरबिन्दकुमार दासको मृत्यु भएको छ ।
सोमबार दिउँसो सवा ३ बजे उनी बाख्रालाई खुवाउन अम्बकको बोटतिर गएका थिए ।

त्यसक्रममा निर्माणाधीन एक तले घरको झ्याल बाहिर जडान भई नसकेको स्ल्यापमा टेकेका थिए । जडान नभएको स्ल्याप अचानक खुस्किन गई जमिनमा लडेर गम्भिर घाइते भएका थिए ।

प्रहरीले उद्धार गरी उपचारार्थ बाराको प्रसौनीस्थित एल.एस.न्युरो अस्पताल पुर्‍याएको थियो । अस्पतालका चिकित्सकले उनको मृत्यु भएको घोषणा गरेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक गिरीले जानकारी दिए ।

त्यस्तैगरि मोटरसाइकल दुर्घटनामा परि घाइते भएकी सरस्वति देवी कुर्मीको उपचारको क्रममा मृत्यु भएको छ । ५ गते बिन्दवासीनी गाउँपालिकाको वडा नं २ निवासी कुर्मी ललन प्रसाद यादवले चलाएको मोटरसाइकलले ठक्कर दिदा घाइते भएकी थिइन । उनलाई उपचारकोलागि कलैया अस्पताल भर्ना गरिएकोमा पछि एल.एस.न्युरोमा रिफर गरी उपचार भइरहेको थियो ।

उपचारको क्रममा उनको त्यही मृत्यु भएको जिल्ला प्रहरी कार्यालय पर्साका डिएसपी दीपक गिरीले जानकारी दिए । ललन प्रसाद यादव म्यादी प्रहरी हुन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।