पर्साका ६१ मतदान स्थल अति सम्बेदनशीलको सूचीमा, दश मतदान केन्द्र थपिए

इसीमाना सम्वाददाता २०७९ कार्तिक ४ गते ०८: १४ मा प्रकाशित 386 पटक पढिएको

जिल्ला सुरक्षा समितिको बैठकले जिल्लाका ६१ ओटा मतदान स्थललाई अति संवेदनशील सूचीमा राखेको छ ।

आसन्न प्रतिनिधिसभा र प्रदेशसभा सदस्यको निर्वाचनका लागि समितिले १ सय ६२ मतदानस्थल मध्ये ६१ओटालाई अति संवेदनशील सूचीमा राखेको हो ।

विगतमा भएका निर्वाचन र स्थानीय तहको पछिल्लो निर्वाचनलाई समीक्षा गर्दै पर्साका १ सय ६२ ओटा मतदानस्थलमध्ये समितिले ६१ ओटा मतदानस्थललाई अति संवेदनशील, ८२ ओटा मतदानस्थललाई संवेदनशील र १९ ओटा मतदानस्थललाई सामान्य सूचीमा राखेको हो ।

स्थानीय तहको निर्वाचनमा जिल्लामा भएका राजनीतिक गतिविधि, भौगोलिक स्थिति, सञ्चार र सडकको सुलभताको अवस्थालाई आधार बनाएर वर्गिकरण गरिएको सशस्त्र प्रहरी १३ नं गणका प्रमुख सशस्त्र प्रहरी उपरिक्षक तेज प्रसाद पोख्रेलले बताए ।

पोख्रेलले निर्वाचनमा जिल्लाको शान्ति सुरक्षामा कुनै कमी हुन नदिने बताए । निर्वाचनका लागि जिल्लामा १ सय ६२ मतदानस्थलमा १ सय ४८ केन्द्र तोकिएका छन् । यस भन्दा अगाडिका निर्वाचनमा ४ सय २ मतदान केन्द्र मात्र रहेकोमा यस पटक १० वटा मदतान केन्द्र थप गरिएको पोख्रेलले जानकार दिए । निर्वाचन आयोग सहित सुरक्षा निकाय र राजनीतिक दलहरुको समेत सुझावका अधारमा मतदान केन्द्र थप भएको उनले बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।