नेपाल फोटो पत्रकार महासंघ पर्सामा खतिवडा सर्वसम्मत

इसीमाना सम्वाददता २०७९ भदौ १८ गते ०९: ५४ मा प्रकाशित 523 पटक पढिएको

नेपाल फोटो पत्रकार महासंघ पर्सा शाखाको तेश्रो जिल्ला अधिवेशनले सफल खतिवडालाई अध्यक्षमा चयन गरेको छ । शनिबार सम्पन्न अधिवेशनले सफल खतिवडाको अध्यक्षतामा ११ सदस्यीय नयाँ कार्यसमिति सर्वसम्मत चयन गरेको हो ।

नेपाल पत्रकार महासंघको सभाहलमा भएको बन्दसत्रबाट अध्यक्षमा सफल खतिवडा, उपाध्यक्षमा माधुरी महतो, सचिवममा श्रवण कुमार साह, कोषाध्यक्षमा शम्भू कुमार सुमन लगायत ११ सदस्यीय नयाँ कार्यसमिति सर्वसम्मत चयन गरेको हो ।

यसअघि अधिवेशनको वीरगन्ज महानगरपालिकाका नगर प्रमुख राजेशमान सिंहले फोटो खिचेर उदघाटन गरेका थिए।

कार्यक्रमको उद्धघाटन गर्दै सिंहले तस्करीको फोटो मात्र खिच्ने प्रवृतिको आलोचना गरेका थिए । समाजको हित र प्रगतीकालागि सकारात्क समाचार र फोटो प्रकाशन हुनु पर्नेमा उनले जोड दिए ।

उनले समाजलाई नकारात्मक भन्दा सकारात्मक सन्देश दिने तस्वीरहरु खिच्न फोटो पत्रकारहरुलाई आग्रह गरे ।

फोटो पत्रकार महासंघ पर्साका अध्यक्ष विजय चौहानको अध्यक्षतामा भएको कार्यक्रममा मधेस विश्व विद्यालयका उपकुलपति प्राध्यापक डाक्टर दीपक शाक्य, नेपाल पत्रकार महासंघका केन्द्रीय सचिव दीपेन्द्र चौहान, केन्द्रीय सदस्य के.सी. लामिछाने, मधेस प्रदेश महासचिव श्याम बञ्जारा, पर्सा अध्यक्ष अनुप तिवारी लगायतले शुभकामना मन्तव्य व्यक्त गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।