बहीनीसंग प्रेम गरेको आशंकमा एक किशोरको हत्या, कारवाहीको माँग गर्दै प्रहरी कार्यालय अगाडि प्रर्दशन

इसीमाना सम्वाददाता २०७९ सावन २९ गते ०३: २२ मा प्रकाशित 488 पटक पढिएको

बाराको बिश्रामपुर गाउँपालिका वडा नं ५ का १६ वर्षिय वालक राजकुमार ठाकुरलाई अपहरण गरि हत्या गरेको आरोपमा प्रहरीले बारा जिल्लाको बिश्रामपुर गाउँपालिका वडा नं ५ इटियाहीका ३० वर्षिय प्रितम पटेल र २८ वर्षिय उत्तम पटेललाई कारवाहीको माँग राखी स्थानीयले जिल्ला प्रहरी कार्यालय पर्सा अगाडि प्रर्दशन गरे ।

मृतकका बुवामोतिलाल ठाकुरले किटानी जाहेरी दिनुको साथै प्रहरीले गम्भिर ढंगले अनुसन्धान गर्ने आश्वासन दिएपछि स्थानीय घर फर्केका थिए ।

उनीहरु दुबै जनालाई प्रहरीले अनुसन्धानको क्रममा ०७९ साउन २५ गतै नै गिरफ्तार गरेको थियो । २४ गते बिद्यालय जान हिडेका ठाकुर बिदालयबाट घर फर्केनन । उनलाई पटेल दाजुभाईले बिद्यालय पुग्नु अवागै अपहरण गरि बीरगंज महानगरपालिका वडा नं १६ नगवामा रहेको आफनो टेलर्सको पसलमा लगेका थिए ।

पसलको सटर लगाई घाँटी थिचेर ठाकुरको हत्या गरेको उनीहरुले प्रहरी समक्ष स्वीकार गरेको जिल्ला प्रहरी कार्यालय पर्साका डिएसपी प्रहलाद कार्कीले जानकारी दिनु भयो ।

पटेलदाजु भाईले हत्यापछि शवलाई बोराभित्र राखी ना ३८ प ४३९५ नम्बरको सुपर स्प्लेण्डर मोटरसाइकल प्रयोग गरी भारतको रक्सौल रेल्वे स्टेशनमा पुर्‍याएर त्यहाँ रोकी राखेको मुजफ्फरपुर जाने रेलको खाली डिब्बामा छाडेको बयान दिएका थिए ।

त्यही बयानका आधारमा जिल्ला प्रहरी कार्यालय पर्साबाट प्रहरी वरिष्ठ नायब निरीक्षक विनोदकुमार सिंहको कमाण्डमा खटिएको टोलीले भारतीय प्रहरीको समन्वयमा भारत विहारको भागलपुरबाट शव बुझी ०७९ साउन २९ गते बिहान ल्याएको प्रहरीले जनाएको छ ।

उनीहरूले आफ्नी बहिनीसँग प्रेम सम्बन्ध रहेको शङ्कामा राजकुमार ठाकुरलाई वीरगञ्ज महानगरपालिका १६ नगवामा रहेको आफूहरूको टेलरमा लगेर हत्या गरेको स्वीकार गरेका छन।

२४ गते ट्युसन पढ्न हिंडेका राजकुमार बेपत्ता भएको भन्दै उनका बाबुले उजुरी दिएपछि खोजतलासका क्रममा पटेल दाजुभाइमाथि शंका लागेर सोधपुछ गर्दा उनीहरुले अपराध स्वीकारेको प्रहरीको दाबी छ । शव पोष्टमार्टमका लागि वीरगञ्जस्थित नारायणी अस्पतालमा राखिएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।