गर्भवती श्रीमतीको हत्यागर्ने श्रीमान पक्राउ

इसीमाना सम्वाददाता २०७९ सावन २७ गते ००: ०४ मा प्रकाशित 457 पटक पढिएको

२२ वर्षिया गर्भवती श्रीमतीको हत्या गरेको आरोपमा प्रहरीले बीरगंज महानगपरपालिकाको वडा नं २३ इटीयाहीबाट २५ वर्षिय दिनेश यादवलाई शुक्रवार पक्राउ गरेको छ ।

प्रहरीले अनुसन्धानकालागि उनका दाजु २८ वर्षिय ओम प्रकाश यादवलाई पनि पक्राउ गरेको छ । बिहानको २ बजेको करिवमा श्रीमतीको घाँटी थिचेर हत्या गरेको आरोपीतले प्रहरी समक्ष स्वीकार गरेको जिल्ला प्रहरी कार्यालय पर्साका डिएसपी प्रहलाद कार्कीले जानकारी दिए ।

२०७८ बैशाख ३१ गते बिवाह बन्धनमा बाँधिएका उनीहरुको बैवाहिक जीवन उतार चढावपूर्ण रहेको स्थानीयको भनाई छ । चार दिन अगाडि मात्र प्रतिमा यादव लाई ससुराले माइतबाट घर ल्याएका थिए । घरमा राम्रोसंग राख्ने , पालपोषण राम्रो गर्ने कुटपीट नगर्ने वाचा गरेर ल्याइएकी प्रतिमाको चार दिनको दिनमा हत्या भयो ।

उनको पेटमा ६ महिनाको गर्भ रहेको डिएसपी कार्कीले जानकारी दिए । मृतकका बुवा रामनरेश राउत अहिरले आजै जिल्ला प्रहरी कार्यालय पर्सामा जाहेरी दिएका छन ।

हत्याका बिषयमा प्रहरीलाई बिहानै स्थानीयले खवर गरेका थिए । प्रहरी समक्ष हत्या गरेको यादवले स्वीकार गरेपनि घटनाको बिषयमा थप अनुसन्धान भइरहेको डिएसपी कार्कीले बतए ।

घटनास्थलमा प्रहरी इन्सेक्टर डिल्लीराज सापकाटाको कमाण्डमा प्रहरी टोली पुगेको थियो । मृतकको शव पोस्टमार्टमको लागि नारायणी अस्पताल बीरगञ्जमा पठाइएको कार्कीले जानकारी दिए

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।