बलात्कार आरोपी गद्धी फरार ,पीडितद्वारा संघ संस्थालाई सहयोग गर्न अपिल

इसीमाना सम्वाददता २०७९ असार १४ गते ०९: २२ मा प्रकाशित 547 पटक पढिएको

१० वर्षिया बालिकालाई बलात्कार गरेको आरोप लागेका पटेर्वा सुगौली गाउँपालिका वडा नं १ गदीयानी टोलका ५० वर्षिय जादु राउत गद्धी फरार भएका छन ।

उनले १० वर्षिया बालिकालाई गाउँ नजिकको जंगलमा लगेर बलात्कार गरेको पीडित बालिकाको आमाले बताइन । असार १३ गते दिउसो उनले बालिकालाई जंगलमा लगेर बलात्कार गरेको उनले बताइन । बालिकाकी आमाले पीडिकलाई समाते पनि उनका आफन्तहरु मिलेर भगाएको उनले आरोप लगाइन ।

आफनो घाँटीमा चोट लागेको उनले बताइन । ४८ वर्षिया ती महिलाले असार १४ गते जिल्ला प्रहरी कार्यालय पर्सामा उजुरी दिएकी छिन । प्डिित बालिकाको स्वास्थ्य परिक्षण आजै बीरगंजको नारायणी अस्पतालमा भएको पर्साको डिएसपी प्रहलाद कार्कीले जानकारी दिए । प्रहरीले उजरी परेको जनाएको छ ।

प्रतिवादी गद्धीका तीन छोरा १ छोरी र नाती नातिना समेत छन । गद्धीले जंगलमै घटनाका बारेमा कसैलाई नभन्न पैसाको प्रलोभन समेत देखाए । प्रलोभनले नमाने पछिm डर धम्की देखाएको बालिकाको आमाले बताइन ।

बालिकाकाल आमाले प्रतिवादीलाई गिरफ्तार गरि कारवाही गर्न माँग गरिन । निर्धा मान्छेले न्याय पाउन कठिन भएको भन्दै उनले सहयोग गर्न अधिकारवादी संघ संस्थालाई गुहारेकी छिन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।