मातातिर्थ औंसीको दिनमा एमालेद्वारा आमाहरु सम्मानीत

इसीमाना सम्वाददता २०७९ बैशाख १७ गते ०९: ०० मा प्रकाशित 610 पटक पढिएको

मातातिर्थ औंसीको दिन पारेर नेकपा एमालेले सामुहिक रुपमा आमहरुलाई सम्मान गरेको छ ।

नेकपा एमाले वडा कमिटी ५ ले आज कुम्हाल टोल स्थित देब पार्टी प्यालेसमा एक भब्य कार्यक्रमको आयोजना गरेर आमाहरुलाई सम्मान र उपहार प्रदान गरेको हो । सामुहिक रुपमा आमाको मुख हेर्नेदिन नेकपा एमालेले कार्यक्रमको आयोजना गरेर आमाहरुको मन जितेको स्थानीयले बताएका छन ।

कार्यक्रममा कार्यक्रममा लोसपाका नेता तथा संघीय सांसद बिमल प्रसाद श्रीवातस्बले सबैको हित गर्ने काम बीरगंजम महानगरपालिकामा एमाले र लोसपाको गठबन्धनले मात्र गर्ने बताउनु भयो ।
उहाँले बीरगंजको बेथिति हटाउने र गर्व गर्न लायक बीरगंज बनाउन महानगरवासीले सुझबुझपूर्ण फैसला गर्नुपर्ने बेला आएको बताउनु भयो ।

कार्यक्रममा एमालेका केन्द्रीय सदस्य निर्मला देबकोटाले बीरगंजलाई समृद्ध बनाउनको लागि एमालेको नेतृत्व आवश्यक भएकोमा जोड दिनु भयो ।

कार्यक्रममा बीरगंज महानगरपालिकाको लागि एमालेको तर्फबाट उम्मेदवार बनेका बिजय कुमार सरावगीले बीरगंजलाई आधुनीक र बृहत्तर बीरगंजको रुपमा बिकास गरिने बताउनु भयो

कार्यक्रममा उप प्रमुख पुरुषोत्तम लाल झाले सबै प्रकारको समस्या समाधान गरी बीरगंलाई आधुनिक समाजको आवश्यकता अनुसारको प्रबिधि र सबै क्षेत्रको समान बिकासको लागि आफूहरुको गठबन्धनलाई निर्बाचित अपिल गर्नु भयो ।

कार्यक्रममा वडा नम्बर ५ का वडा अध्यक्षका उम्मेदवार प्रदिप चौरसिया, एमालेका नेता प्रदिप सिँह ठकुरी, केशव भण्डारी लगायतकाले आ—आफ्नो धारणा राख्नुभएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।