पत्रकार गिरीश गिरीद्वारा लिखित सत्यमोहन जोशीका बिषयमा बीरगंजमा परिचर्चा

इसीमाना सम्बाददाता २०७८ चैत १८ गते ०८: ४१ मा प्रकाशित 493 पटक पढिएको

पत्रकार गिरीश गिरीद्वारा लिखित सत्यमोहन जोशीका बिषयमा बीरगंजमा एक परिचार्चा कार्यक्रम सम्पन्न भएको छ । पाठशाला नेपालको आयोजनामा बीरगंजको ठाकुरराम बहुमुखी क्याम्पसको सभाकक्षमा आयोजना गरिएको परिचर्चामा सत्यमोहन जोशीको बिषयमा वक्ताहरुले प्रकाश पारेका थिए ।

सत्यमोहन जोशी लेख्नकालागि जुरेको संयोगको बारेमा चर्चा गर्दै लेखक गिरीले लेखक कुमार नगरकोटीको कल्पग्रन्थ पुस्तक दिनजाँदा जोशीले “गिरीश गिरीले मेरो बारेमा जीवनी लेखिदिए त्यो पुस्तक हेर्ने चाहना थियो” भनेकोले पुस्तक लेख्ने कुराले ठोस आकार पाएको बताउनु भयो ।

सत्यमोशन जोशीलाई समाचार कक्षमा हुदा काठमाण्डौको संस्कृतिका बिषयमा समाचार लेख्दा “कोड” गरे पछि मात्र त्यो समाचारले जीवन पाउथ्यो त्यही बेलादेखी जोशीसंग नजिक भएको प्रसंग निकाल्दै गिरीले जोशीले नेपाल राष्ट्रकालागि अतुलनीय योगदान गरेको बताउनु भयो ।

तीन पटक सम्म मदन पुरस्कार प्राप्त जोशीले खस भषाको बारेमा पनि गहन अध्धयन र खोज गरेको बताउनु भयो । कार्यक्रममा सत्यामोशन जोशी पुस्तकको प्रकाशन संस्था बुक हिलका भूपेन्द्र खडकाले पुस्तक अध्ययन संस्कृतिको बिकासमा जोड दिनु भयो ।

उहाँले समाजको जुन सुकै क्षेत्रमा बसेर योगदान दिन खोजेपनि त्यसकोलागि ज्ञान चाहिने ज्ञान पुस्तकबाट पाउन सकिने भएकोले पढनु पर्ने कुरामा जोड दिनु भयो । कुमार नगरकोटीले पुस्तकको बारेमा चर्चा गर्दै पुस्तक पढन शुरु गरेपछि छोडन मन नलाग्ने खालको रहेको बताउनु भयो ।

उहाँले सत्यमोशन जोशीलाई त्यती मायालु, प्रफूल्ल हुने खालको वा चाखलाग्दो नठानेको तर गिरीश गिरीको पुस्तक सत्यमोहन पढ्न थालेपछि त्यही मान्छे मायालु छ जस्तो लाग्न थालेको बताउनु भयो ।

पाठशाला नेपालका अध्यक्ष बालगोपाल थापाको अध्यक्षतमा भएको कार्यक्रममा उपाध्यक्ष गणेश लाठले स्वागत मन्तब्य ब्यक्त गर्नु भएको थियो भने के.सी.लामिछानेले कार्यक्रम संचालन गनुृ भएको थियो ।

बुक हिलले प्रकाशन गरेको सत्यमोशन जोशी ३ सय ७ पृष्ठको रहेको छ । जोशीको १ सय २ वर्षको जीवनका बिभिन्न कालखण्डाका तस्विरहरु पनि पुस्तकमा समेटिएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।