स्थानीय संचार माध्यमको प्रवद्र्धन र नियमन गर्न ऐन जारी,जेष्ठ पत्रकारलाई पेन्सनको ब्यवस्था
वीरगंज महानगरपालिकाले स्थानीय संचार माध्यमको प्रवद्र्धन र नियमन गर्ने गरी आम संचार ऐन २०७८ जारी गरेको छ । सो ऐन कार्यान्वयनका सन्दर्भमा आज वीरगंजको होटल मकालुमा भएको सरोकारवालाको छलफल कार्यक्रममा वीरगंज महानगरपालिकाले ल्याएको आमसंचार ऐन संचार मैत्री भएको भन्दै सहभागी संचारकर्मी र पत्रकार महासंघका अग्रजहरुले प्रशंसा गरेका थिए । स्थानीय तह आमसंचार ऐन अरु पालिकाको लागि अनुकरणीय हुने छ ।
वीरगंज महानगरपालिकाले महानगरपालिका भित्र संचालनमा रहेका संचार माध्यमको प्रवद्र्धन गर्न, लोककल्याणकारी विज्ञापनलाई स्थानीय संचार माध्यममा समानुपातिक रुपमा वितरण गर्न, श्रमजीवी पत्रकारको दक्षता अभिवृद्धि र संचार माध्यमको संस्थागत विकासमा ठोस योगदान दिनेगरी संचार माध्यमको प्रवद्र्धन तथा विकास कोषको स्थापना गर्ने, पत्रकारितालाई मात्र पेशा वनाएर काम गर्दे आउनु भएका ६० बर्ष माथिका जेष्ठ पत्रकारको लागि पेन्सन कोषको स्थापना गर्ने, विपत्तिबाट अप्ठारोमा परेका संचार माध्यमलाई क्षती भएको सामान खरिदका लागि निश्चित अवधी सम्मका लागि सापटी रकम उपलब्ध गराउने गरी छुट्टै विपत्त राहत कोष स्थापना गर्ने, पत्रकारको लेखन बृत्तिका लागि फेलोसिप र पत्रकारिता विषयमा स्नातकोत्तर गर्न चाहने दुई जना (महिला र पुरुष) पत्रकारलाई हरेक बर्ष छात्रावृत्ति दिने लगायतका नीति सहित वीरगंज महानगरपालिका आमसंचार ऐन २०७८ जारी गरेको छ ।
गत वर्ष देखि स्थानीय संचार माध्यमलाई लोककल्याणकारी विज्ञापन समानुपातिक रुपमा वितरण गरी संचार मैत्री स्थानीय तहको रुपमा काम गरेको वीरगंज महानगरपालिकाले नेपाल मै पहिलो पटक स्थानीय तहले आम संचार ऐन जारी गरेर स्थानीय संचार माध्यमलाई सुविधा दिन सफल भएको छ ।
बीरगंज महानगरपालिकाका प्रमुख प्रशासकीय अधिकृत निश्चलराज पाण्डेको अध्यक्षतामा भएको कार्यक्रममा बीरगंज महानगरपालिकाका प्रमुख बिजय कुमार सरावगीले पत्रकारहरुले दिएको सुझाव ऐनमा समेटेर राजपत्रमा प्रकाशन गर्ने बताउनु भयो ।
उहाँले पत्रकारिताको गुणात्मक बिकासकालागि ध्यान दिन पत्रकारहरुलाई आग्रह गर्दै महानगर आम संचार माध्यमको दीगो बिकासकालागि टेवा पु्र्याउन तयार रहेको बताउनु भयो । कार्यक्रममा नेपाल पत्रकार महासंघका केन्द्रीय सदस्य के.सी.लामिछानेले आम संचार ऐनमा पत्रकार महासंघकका सरोकारका बिषयमा अवधारणा प्रस्तुत गर्नु भएको थियो ।
अकोर्याबका पूर्व महासचिव एवं बीरगंज महानगरपालिकाका प्रेस सल्लाहकार गोविन्द देवकोटाले संचालन गर्नु भएको कार्यक्रममा प्रेस काउन्सिलका सदस्य लालबाबु शेख,नेपाल पत्रकार महासंघका प्रदेश २ का महासचिव श्याम बन्जारा, बरिष्ठ पत्रकार जगदीश शर्मा, महेश दास , नेपाल पत्रकार महासंघ पर्साका अध्यक्ष अनुप तिवारी लगायतले मन्तब्य ब्यक्त गर्नु भएको थियो । कार्यक्रममा पत्रकारहरुले आफनो चासो र सरोकारको बिषयमा ऐन समावेश गर्न माँग गरेका थिए ।
सम्बन्धित शीर्षकहरु
सीमापारी/अन्तराष्ट्रिय
भाजपा साँसद निषाद कांग्रेसमा सामेल हुदै, बिजेपीलाई लाग्ने भयो धक्का
मुजफ्फरपुर । बिहार राज्यको एक प्रमुख शहर मुजफ्फरपुरबाट लोकसभा सिटमा भाजपाबाट बिजयी अजय निषादको टिकट काटिएको छ । सन २०२४को लोकसभा निर्वाचनकोलागि उनको टिकट काटिएको हो ।
राष्ट्रसंघको मुख्यालयमा नेपाल प्रर्दशनी हुने
न्यूयोर्क ।अमेरिकाको न्यूयोर्कमा रहेको संयुक्त राष्ट्रसंघको मुख्यालयमा नेपालको पर्यटन, कला र संस्कृति प्रबर्द्धनका लागि प्रदर्शनी गरिने भएको छ ।
केजरीवालको गिरफ्तारीको बिषयमा अमेरिका र जर्मनीको चासो ,निष्पक्ष, पारदर्शी र कानुनी प्रक्रियाको पालनाको अपेक्षा
नयाँदिल्ली । दिल्लीका मुख्यमन्त्री अरविन्द केजरीवालको गिरफ्तारीबारे अमेरिकाको टिप्पणीप्रति कडा आपत्ति जनाउँदै भारतको विदेश मन्त्रालयले बुधबार एक वरिष्ठ अमेरिकी कूटनीतिज्ञलाई बोलाएको छ ।
भारतमा लोकतन्त्रमाथि संकट,चुनावी निरंकुशता कायमः वी-डेम
नयाँ दिल्ली। वेराइटीज ऑफ डेमोक्रेसी (प्रजातन्त्रका विविधताहरू) नामक संस्थाको लोकतन्त्र रिपोर्ट २०२४ अनुसार, भारतमा अझै पनि विभिन्न सूचकहरूमा कम अंकको साथ चुनावी निरंकुशता कायम छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बीरगंज कलेजले कक्षा १२ का बिद्यार्थीलाई प्रशिक्षण सहित गर्यो बिदाई
वीरगन्ज । वीरगन्ज कलेजले कक्षा १२ को अध्ययन पूरा गरेका विद्यार्थीहरुलाई प्रशिक्षण सहित बिदाई गरेको छ ।
रामभौरी भाठाको दुग्धेश्वरनाथ महादेवको मन्दीरको बिकासमा ध्यान दिन वक्ताहरुको जोड
बीरगंज । दुग्धेश्वरनाथ महादेवको मन्दीर रहेको पर्साको प्रसिद्ध रामभौरी भाठाको भौतीक बिकास तथा धार्मिक बिकासकालागि अन्तरक्रिया कार्यक्रम सम्पन्न भएको छ ।
खेलकुद
छ बल छ छक्का ऐरीले बनाए बिश्व रिकाँर्ड,कतार ३२ रनले पराजित
वीरगन्ज । ओमानमा जारी एसीसी प्रिमियर कपमा नेपालका अलराउन्डर दीपेन्द्रसिंह ऐरीले आफनो नाममा अर्को बिश्व रेकर्ड बनाएका छन ।
एसएस ईभेन्ट्स र नेकोसको संयुक्त आयोजनामा कर्पोरेट सुपर सिक्सेस हुने
वीरगंज । एसएस एभेन्ट्स प्रा.ली. र नेकोसको संयुक्त आयोजनामा कर्पोरेट सुपर सिक्सेस सिजन–७ आगामी वैशाखको अन्तिम सातादेखि सुरु हुने भएको छ ।
तपाईको प्रतिक्रिया