मलपोत पर्साका सुचना अधिकारीद्धारा पत्रकार मिश्रा सँग दुव्र्यवहार

7/31/2018 गते 00 00 मा प्रकाशित 1059 पटक पढिएको

वीरगञ्ज, १५ साउन ।
मालपोत कार्यालय विरगञ्जका सुचना अधिकारी कमोद तिवारी तथा उनका आसेपासे लेखनदास लगायतकाहरुले सुचना माग गरेकोमा बीरगंजबाट प्रकाशन हुने स्थनीय सिहं दैनिक पत्रिकाका सह सम्पादक निरञ्जन मिश्र सँग अभद्र व्यवहार गरेका छन् ।

मिश्रले समाचार प्रयोजनकालागि साउन ६ गते मालपोत कार्यालयमा सुचना माग गर्दै निवेदन दर्ता गराएका थिए । तर मालपोत कार्यालयका सूचना अधिकारी कमोद तिवारीले सूचना दिन आलटाल गर्दै आए ।

तिवारीले मंगलवार आफना आसेपासे लगाएर पत्रकार मिश्रमाथि दूब्र्यवहार गराएका हुन । पत्रकार मिश्रलाई तिवारीले धम्की समेत दिएका छन ।

राजस्व चुहावटमा तिवारीको हात रहेकोले सूचना दिन आनाकानी गरेको र धम्की समेत दिन लगाएको पत्रकार मिश्रले बताए । तिवारीसंगै मालपोत कार्यालयमा लेखनदासको काम गर्ने केही लेखनदासहरु समेत पत्रकार मिश्रलाई धम्की दिन र दूब्र्यवहार गर्न अग्रसर भएका थिए ।

पत्रकार मिश्रका कारण उनीहरुको ठगी धन्दामा अवरोध आएकोले उनीहरु धम्की दिने र दूब्र्यवहार गर्ने तल्लो दर्जाको काममा उत्रिएको बताइएको छ ।

पत्रकार मिश्रमाथि भएको दूब्र्यवहारको स्थानीय संचारकर्मीले कडा रुपमा प्रतिवाद गर्ने बताएका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।