प्रदेश सभा सदस्यद्वारा जन्मदिनको अवसरमा कम्प्युटर प्रदान

7/28/2018 गते 00 00 मा प्रकाशित 1142 पटक पढिएको

ईसीमाना सम्वाददाता
बीरगंज १२ साउन ।

प्रदेश नम्बर २ का प्रदेश सभा सदस्य भिमा यादवले आफ्नो ६० औँ जन्मदिनको अवसरमा मध्य नेपाल सन्देश पत्रिकालाई एक थान कम्पयुटर प्रदान गरेकी छिन् ।

वीरगंजबाट प्रकाशित हुदैं आएको मध्य नेपाल सन्देश साप्ताहिक पत्रिकाले आउने दिनमा महिलाहरुको मुद्धालाई उठान गर्न टेवा पुगोस भन्ने उद्धेश्यले कम्प्युटर प्रदान गरेको सभासद यादवले बताइए ।

मध्य नेपाल सन्देशकी सम्पादक कविता खड्कालाई कम्युटर हस्तान्तरण गर्दै प्रदेश सभासद यादवले पत्रकारहरुको समस्या हल गर्न आफूले आउने दिनमा पनि सहयोग गर्ने प्रतिवद्धता जनाइन । उनले पत्रकार महिलाहरुले गरेको परिश्रमले आफूलाई प्रेरीत गरको भन्दै नितान्त आफनो नीजि खर्चमा कम्युटर दिएको बताइन ।

जन्मोत्सव एउटा बाहाना हो यादवले भनिन “तपाईहरुले सूचना पाउने नागरिकको अधिकारको प्रत्याभूतीको निम्ति गर्नु भएको कामलाई सम्मान गर्न सानो प्रयास हो ”।

महिला पत्रकारहरुको ब्यवस्थापनमा प्रकाशीत हुदै आएको मध्यनेपाल सन्देश पत्रिकाको गुणत्मक प्रस्तुतीमा थोरै भएपनि टेवा पुगोस भन्ने आफनो चाहना रहेको यादवले बताइन ।
सो अवसरमा प्रदेशसभा सदस्य यादवको जन्मदिनको अवसरमा पत्रिकाका प्रकाश सम्पादक कविता खडका,निलम पन्त शोभा धमला, सन्ध्या पौडेल लगायतका पत्रकारले उनलाई शुभकामना ब्यक्त गरेका थिए ।

कार्यक्रममा बेटी पढाई बेटी बचाई अभियान पर्सा जिल्लाकी संयोजक पुष्पा पाण्डे, नेपाल पत्रकार महासंघका पार्सद विजय भण्डारी, चेली कृषि सहकारी संस्थाकी अध्यक्ष कमला घिमिरे, संस्कृतिका अध्यक्ष आशु सरार्फ, सञ्चारकर्मी सुरेश विडारी, नेहाल खान, प्रणय साह, जाकिर हुसेन् बलिराम यादव लगायतको उपस्थिति रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।