निर्वाचन नजिकिएसँगै विभित्र पार्टीबाट एमाले प्रवेश गर्ने क्रम जारी छ । चितवनमा माधव नेपाल नेतृत्वको नेकपा एस निकटको मुक्ति समाजका केन्द्रीय उपाध्यक्ष चक्र रूचालसहितका २५ जनाभन्दा बढि नेता कार्यकर्ता एमाले प्रवेश गरेका छन् ।

नेकपा एमाले र जनता समाजवादी पार्टीवीच मंसीर ४ गते सम्म एक पार्टीको कार्यकर्तालाई अर्को पार्टीमा प्रवेश नगराउने सहमती भएको छ ।

पर्सा निर्वाचन क्षेत्र नम्बर १ बाट प्रतिनिधिसभा सदस्य पदका उम्मेदवार प्रदीप यादवले जसपा एमाले गठबन्धनका साझा उम्मेदवारहरुलाई जिताउन आग्रह गरेका छन ।

पर्साको क्षेत्र नं २ मा एमाले जसपा गठबन्धनको तर्फबाट प्रतिनिधि सभा सदस्य पदका उम्मेदवार अधिवक्ता सुरेन्द्र कुर्मीले देश जनता प्रतिको उत्तरदायित्व नै आफनो मुल एजेण्डा भएको बताएका छन ।

पर्सा क्षेत्र नं १ को प्रतिनिधि सभा सदस्य पदका उम्मेदवार अजय कुमार द्विवेदीले दीपावली र छठ बाट ज्ञान शक्ति विवेक आर्जन गरेर मतदान गर्दै गर्दा आफनो मनलाई मेरो प्रतिनिधि कस्तो चाहिन्छ भनेर सोध्न आग्रह गरेका छन ।

पोखरिया युवा समाजले आफनो सर्मथन क्षेत्र ३ को प्रदेशसभा “ख” मा प्रदेशसभा सदस्यका उम्मेदवार प्रहलाद गिरीलाई रहेको जनाएको छ ।

निर्वाचन आयोगले निर्वाचन आचार सहिता २०७९ कार्यान्वयन गर्न राजनीतिक दलहरुलाई निर्देशन दिएको छ ।

नेपाल कम्युनिष्ट पार्टी एकिकृत समाजावादीका उम्मेदवार कृष्णकुमार श्रेष्ठसँग निर्वाचन आयोगले २४ घण्टे स्पष्टीकरण सोधेको छ ।

नेकपा एमालेका नेता एवं पर्सा क्षेत्र नं ३ का संघीय सासद पदका उम्मेदवार राजकुमार गुप्ताले क्षेत्रमा रहेको बेरोजगारीको अवस्थाको अन्त्य आफनो प्रमुख बिषय भएको बताएका छन ।

निर्वाचन आयोगले सहरी विकासमन्त्री मेटमणि चौधरीलाई २४ घण्टे स्पष्टिकरण सोधेको छ ।

नेपाल शिक्षक संघ पर्साले दीपावली र छठ पर्वको अवसर पारेर आयोजना गरेको शुभकामना कार्यक्रमका वक्तहरुले गठबन्धनलाई मतदान गर्न अपिल गरेका छन ।

नेकपा एमालेका पोलिटब्यूरो सदस्य एवं पूर्व मंत्री पुरुषोत्तम पौडेलले कांग्रेस नेतृत्वको गठबन्धन सरकार देशको अहितमा रहेको बताएका छन ।

वर्षौदेखि राष्ट्रिय समाचार समिति (रासस) मा कार्यरत २२ जना श्रमजीवि पत्रकारको रोजगारी खोस्न लागेपछि त्यसको विरोधमा नेपाल पत्रकार महासंघलगायत पेशागत संघसंगठनले आज रासस केन्द्रीय कार्यलयमा धर्ना दिएका छन् ।

नेकपा एमालेले रौतहट जिल्ला कमिटी नै बिघठन गरेको छ । शुक्रबार प्रदेश कमिटी अध्यक्ष रामऔतार यादवले जिल्ला उपाध्यक्ष दीपक राय यादवलाई पत्र पठाएर जिल्ला कमिटी बिघठन भएको जनाउ दिएका हुन ।