प्रदेश संचार ऐनका पत्रकार बिरोधी प्रावधानहरु संशोधन र खारेजीको लागि संघर्षको नीति पास गर्दै नेपाल पत्रकार महासंघ मधेश प्रदेश समितिको तेश्रो प्रदेश अधिवेशन वीरगंजमा सकिएको छ ।

अभिवेशनले बिभिन्न नौं बुदे वीरगंज घोषणा जारी गरेको छ ।

मधेश प्रदेह सरकारले ल्याएको प्रदेश संचार ऐनमा आफना कार्यकर्ता भर्ती गर्ने नियतले मिडिया काउन्सिलको अध्यक्षको नियुक्तिको ब्यवस्था सम्बन्धि दफा ८ र आमसंचार प्राधिकरणको अध्यक्षको नियुक्ति सम्बन्धि ब्यवस्थाको दफा २९ लाई संशोधन गरेर मंत्रालयले स्पष्टीकरण सोध्ने र चित्त बुझदो जवाफ नदिए पदबाट अवकास दिने ब्यवस्था गरेकोमा महासंघ प्रदेश समितिले गम्भिर असहमती जनाएको छ ।

प्रदेश संचार ऐनमा पत्रकारलाई फौजदारी मुद्धामा अभियोजन गर्ने प्रवन्ध गरेकोमा नेपाल पत्रकार महासंघले यो दफा संशोधनको माँग गरेको छ ।

प्रदेश भरिका पत्रकारहरुको दुर्घटना तथा स्वास्थ्य विमा गरिनु पर्ने , श्रमजीवी पत्रकारहरुको पेशागत तथा भौतीक सुरक्षाकालागि योजनाको निर्माण र कार्यान्वनय गरिनु पर्ने लगायतका प्रस्ताव पारित गर्दै अधिवेशन सफलतापूर्वक सम्पन्न भएको महासंघ मधेश प्रदेशका महासचिव श्याम बन्जाराले जानकारी दिए ।

यस अघि अधिवेशनको उद्धघाटन गर्दै मधेश सरकारका मुख्यमंत्री लालबाबु राउतले पत्रकार र संचार संस्थाको बिकास र दीगोपनाको पवित्र उद्धेश्य राखेर प्रदेश संचार ऐन ल्याइएको बताए ।

उनले पत्रकारहरुले धन्यवाद दिनु पर्नेमा गुनासो मात्रै गरेको चर्चा गर्दै मुख्यमंत्री राउतले तपाईहरुको गुनासो सुन्दा पनि ऐन निर्माणको बेलामा अरु गम्भिर हुनु आवश्यक थियो भन्ने कुरा महशुस भएको प्रष्ट पारे ।

राम्रो शुरुवात गरेका छौ राउतले भन्े पत्रकारहरुको संरचना खडा भएको छ भूमिका जे होला तर यसलाई अझ राम्रो बनाउन आफनो तर्फबाट योगदा रहने बताए ।

कार्यक्रममा नेपाल पत्रकार महासंघका केन्द्रीय बरिष्ठ उपाध्यक्ष रमेश बिष्टले नेपाल पत्रकार महासंघका अधिवेशनहरुलाई एउटा बिशेष मुद्धामा अनुसन्धान गरेर छलफल गर्ने गरि सम्पादन गर्ने ब्यवस्था मिलाउने बताए । उनले मधेश प्रदेश सरकारको संचार सम्बद्ध ऐन संरचनाको निर्माणको कामको प्रशंसा गर्दै मिडिया काउन्सिलाई अर्को कुनै नाममा रुपान्तरित गर्न सुझाव दिए ।

कार्यक्रममा प्रदेश सभा सदस्य एन नेपाली कांग्रेसका नेता श्याम पटेल नेपाल पत्रकरा महासंघका सचिव दीपेन्द्र चौहान, केन्द्रीय सदस्यहरु के.सी.लामिछाने, शिव पुरी रिन्कु मिश्र,सुभाष साह पर्साको सहायक प्रमुख जिल्ला अधिकारी महेश कार्की,वीरगंज उधोग वाणिज्य संघका अध्यक्ष डा. सुवोध गुप्ता, प्रेस चौतारी नेपालका केन्द्रीय सचिव कमल उपाध्याय, प्रेस युनियनका सचिव अशोक तिवारी, प्रेस सेन्टर नेपालका केन्द्रीय सदस्य निरज पिठाकोटे,समाजवादी प्रेस संगठनका केन्द्रीय सदस्य राघव साह, नेपाल पत्रकार महासंघ महोत्तरीका कार्यवाहक अध्यक्ष सुनिता बराल लगायतले अधिवेशनको सफलताको शुभकामना ब्यक्त गरेका थिए ।

अधिवेशनको बन्द सत्रमा महासचिव श्याम बन्जारा र कोषाध्यक्ष बिश्वनाथ ठाकुरले प्रस्तुत गरेको सांगठानीक तथा आर्थिक प्रतिवेदन सर्वसम्मत रुपमा पारित गरेको थियो ।

महासंघ मधेश प्रदशेका अध्यक्ष राजेश कर्णको अध्यक्षतामा भएको कार्यक्रममा उपाध्यक्ष ज्योती झाले धन्यवाद ज्ञापन र नेपाल पत्रकार महासंघ पर्साका अध्यक्ष अशोक तिवारीले स्वागत र महासचिव श्याम बन्जाराले संचालन गरेका थिए ।