०७९ जेठ १२ गते वीरगंजको पुरानो बसपार्कमा आयोजीत भब्य समारोहमा जसपाका अध्यक्ष उपेन्द्र यादवको अगाडि उभिएर वीगंज महानगरका प्रमुख राजेशमान सिंहले कसम खाएको दृश्य निकै उत्साहजनक थियो ।

सिंहले खाएको कसममा “म कसैप्रति पूर्वाग्रह राख्ने छैन सबैकालागि मेयर बन्ने छु ” भन्ने भाव थियो । उनले कसम खाएको ६ महिना दिन पुगेकै बेला उक जना ब्यवसायीले उनीमाथि “पूर्वाग्रही” भएको आरोप लगाउदै पत्रकार सम्मेलन गरे ।

सबैको मेयर बन्ने र सबैको महानगर बनाउने सिंहको “कसम” फगत कसम मात्र रहेको कुराको पुष्टि भएको छ ।

वीरगञ्ज छपकैया निवासी निर्माण व्यावसायी नुरेनबी ठकुराईले पत्रकार सम्मेलनको आयोजना गरेर वीरगन्ज महानगरपाकाका नगर प्रमुख राजेशमान सिंहले पूर्वाग्रहपूर्ण ब्यवहार गरेको बताए ।

ठकुराई वीरगंजका स्थापित निर्माण ब्यवसायी हुन । कुनै बेला सिंह र ठकुराईको सम्बन्ध लोभलाग्दो थियो । त्यस्ते सम्बन्ध भएका ब्यक्ति मध्यका महानगर प्रमुख सिंहले ठकुराईलाई को हो ? भनेर सार्वजनीक संचार माध्यममा अभिब्यक्ति दिएकोमा त्यसको पनि निकै आलोचना भयो ।

ठकुराई परिवारले स्थानीय तहको निर्वाचनमा सिंहलाई सहयोग नगरेकै कारण उनलाई दुःख दिनु महानगरप्रमुख सिंहमाथि लागेको गम्भिर आरोप हो ।

महानगरप्रमुख राजनीतिक रुपमा असहिष्ण्ुा र बदला लिने गरि प्रस्तुत हुने हो भने स्थानीय सरकाप्रति नागरिकको भरोसा समाप्त हुने खतरा पैदा हुन्छ । महानगर प्रमुख सिंहका कदमहरु बदला लिनेगरि पूर्वाग्रह प्रेरित हुदै गएको भूक्तभोगीहरुको टिप्पणी पनि छ ।

नेपाल पत्रकार महासंघको सभाकक्षमा आयोजित पत्रकार सम्मेलनमा निर्माण व्यवसायी ठकुराईले वीरगन्ज महानगपालिकाबाट कब्रिस्तानको कम्पाउण्ड वाल र माटो पुर्ने कामको धरौटी बापतको रकम कट्टा गरेर पाउनुपर्ने बाँकी एक लाख ८९ हजार ४१५ रुपैंया नगर प्रमुख सिंहको आदेशमा आफूले फिर्ता नपाएको गुनासो गरेका छन ।

उनले आफूले पाउनुपर्ने भुक्तानी वीरगन्ज महानगरपालिकाले अहिलेसम्म नगरेकोले पीडित भएर पत्रकार सम्मेलन गर्नुपरेको बताए । ठकुराईका अनुसार वीरगन्ज महानगरपालिकाको आर्थिक बर्ष २०७८/०७९ को बजेट नीति तथा कार्यक्रम अन्तर्गतको नगर स्तरीय बजेटबाट खर्च हुनेगरी वीरगन्ज महानगरपालिकाको वडा नम्बर ३ मा रहेको कब्रिस्तानमा कम्पाउण्डवाल तथा माटो पुर्ने कामको लागि ११ लाख १० हजार ७४५ रुपैंयाको लागत अनुमान स्वीकृत भई फुलकी उपभोक्ता समिति वीरगन्ज ३ ले १० प्रतिशत लागत सहभागिता बापत व्यहोर्ने गरी सम्झौता गरेको थियो ।

वीरगन्ज महानगरपालिकाले व्यहोर्ने ९० प्रतिशतले हुन आउने ९९ लाख ९ हजार ६७१ रुपैंया र उपभोक्ता समितिले गरेको कामको नाप जाँच गरी दोश्रो तथा अन्तिम बिल बनेको ११ लाख ८ हजार १ सय ४८ बाट प्रथम रनिङ्ग बिलको ८ लाख ८६ हजार ६१० कट्टा हुने गरी बाँकी रकम २ लाख २१ हजार ५३८ रुपैंयामा उपभोक्ता समितिले व्यहोर्ने २२ हजार १५३ कट्टा गरी १ लाख ९९ हजार ३८४ बाट फेरी ५ प्रतिशत हुन आउने ९ हजार ९ सय ६९ रुपैंया धरौटी रकम कट्टा गरी बाँकी हुन आउने १ लाख ८९ हजार ४१५ रुपैंया फुलकी उपभोक्ता समितिलाई भुक्तानी दिनुपर्ने सम्झौतामा उल्लेख गरिएको र महानगरपालिकाकाले पनि भुक्तानी दिन मुनासिब देखिएको टिप्पणी उठाएर आदेश गरेपनि नगर प्रमुखको राजनीतिक प्रतिशोधको भावनाका कारणले आफूले पाउनुपर्ने रकम नपाएको ठकुराईले बताए ।