मधेश प्रदेशका मुख्यमंत्री लालबाबु राउतले मधेशको राजधानी बनाउने क्रममा वीरगंजका नागरिकलाई धोका दिएको पर्सा क्षेत्र नं १ को “ख”का लोरो चिन्हका उम्मेदवार ओम प्रकाश सर्राफले आरोप लगाएका छन ।
मधेश आन्दोलनको इपिसेन्टर रहेको वीरगंज मधेश प्रदेशको स्वभाविक राजधानी थियो तर मुख्मंत्रीको पद जोगाउन राउते आफना मतदाता तथा पर्साको जनतासंग घात गरेको उनले बताए ।
मुख्यमंत्री राउतले पाँच वर्ष अविछिन्न रुपमा सरकार चलाउदा छोरीहरुकोलागि छुट्टयाइएको रकममा समेत भ्रष्टाचार गरेर वीरगंजको प्रतिष्ठा धुमील गरेको सर्राफले बताए ।
सर्राफले मुख्यमंत्री स्वच्छता अभियान, पोखरी सौन्दर्यीकरण, सहिदको शालिक निर्माण लगायतमा कमिसनको लोभमा व्यापक भ्रष्टाचार गरेको तथ्यहरू मतदातालाई बुझाउँदै लौरो छापमा भोट दिन आग्रह गरेका थिए ।
लौरो चिन्हका उम्मेदवार सर्राफले वीरगंजको विकास र पहिचानको लागि आफूलाई जिताउन मतदातासँग अपिल गरेका थिए ।
लौरो चुनाव चिन्ह लिएर पर्सा क्षेत्र नं. १ (ख) बाट प्रदेश सभा सदस्यका उम्मेदवार बनेका ओमप्रकाश सर्राफको चुनावी सभामा उत्साह जन सहभागिता रहेको थियो ।
तपाईको प्रतिक्रिया