पार्टी प्रवेशले एमाले जसपा गठबन्धनमा संकट, अवेर राती सम्म नेताहरुवीच छलफल, मंसीर ४ सम्म प्रवेशमा रोक

इसीमाना सम्वाददाता २०७९ कार्तिक ६ गते १०: ३३ मा प्रकाशित 402 पटक पढिएको

नेकपा एमाले र जनता समाजवादी पार्टीवीच मंसीर ४ गते सम्म एक पार्टीको कार्यकर्तालाई अर्को पार्टीमा प्रवेश नगराउने सहमती भएको छ ।

सोमवार अवेर राती वीरगंजमा सम्पन्न दुबै पार्टीको बैठकले सहयात्री दलका कार्यकर्तालाई एक अर्को पार्टीमा प्रवेश गर्ने गराउने काम रोक्ने निर्णय गरेको हो ।

सोमवार बिहान वीरगंज महानगरपालिका वडा नं २२ मनियारीका वडाध्यक्षमा एमालेको तर्फबाट उम्मेदवार बनेका ग्यासुदिन मियाको जसपा प्रवेश पछि उत्पन्न परिस्थितिका बारेमा गम्भिर समिक्षा गरेपछि दुबै पार्टीको नेतृत्व यस्तो निष्कर्षमा पुगेको हो ।

गठबन्धन संस्कृतिको बिपरित सहयात्री दलका कार्यकर्तालाई पार्टीमा प्रवेश गराएको भन्दै पार्टी भित्र र बाहिरबाट पनि गठबन्धनप्रति गम्भिर प्रश्न उठेको थियो ।

संचार माध्यमले यो बिषयलाई प्रमुखता प्रकाशन प्रशारण गरेपछि भाइरल भएको यो बिषयले नेताहरुलाई गम्भिर छलफलमा सहभागि हुन बाध्य बनाएको थियो ।

बैठकमा ग्यासुदिन मियाको जसपा प्रवेशको बिषयलाई समिक्षा गरिएको नेकपा एमालेका पर्सा इन्चार्ज प्रभू हजराले जानकारी दिए । दुबै दलका शिर्ष नेताको सहभागितामा भएको बैठकले सहयात्रीदलका कार्यकर्ताको पार्टी प्रवेशको काम नगर्ने सहमती भएको हजारले बताए ।

बैठकमा सहभागि मधेश प्रदेशका मुख्यमंत्री लालबाबु राउतले गठबन्धनलाई बजबुत बनाउनको बिकल्प नरहेको बताउदै असमझदारीलाई समझदारीमा रुपान्तरण गरिने बताए । उनले जाहा समस्या उत्पन्न हुन्छ त्यहा दुबै दलका नेताहरुको सहभागितामा समस्याको हल निकाल्ने गरि उन्नत खालको समझदारी भएको बताए ।

उनले अलिकति हलचल पैदा हुदैमा गठबन्धनमा समस्या नआउनेकुरा आम जनतालाई बिश्वस्त रहन समेत अपिल गरेका छन ।
बैठकमा पर्सा क्षेत्र न.१ उम्मेदवार प्रदीप यादव , प्रदेश सभा “क” उम्मेदवार बिचारी यादव ईश्वरचन्द्र यादव लगायतका नेताहरुको सहभागिता रहेको थियो ।

छलफल पछि ईसीमाना संग कुरा गर्दै प्रतिनिधि सभा सदस्यका उम्मेदवार प्रदीप यादवले गठबन्धनको धर्म र भावानाको सम्मान गर्न दुबै दल प्रतिवद्ध रहेको बताए । उनले सोमवार भएको पार्टी प्रवेशको कारणले केही असमझदारी बढेको सत्यलाई आत्मसाथ गर्दै त्यसलाई सच्याइएको बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।