क्षेत्रका युवाहरु आर्थिक उपार्जनकालागि रोजगारीमा संलग्न हुने वतावरण बनाउछुः उम्मेदवार गुप्ता

इसीमाना सम्बाददाता २०७९ कार्तिक १ गते ०६: ४५ मा प्रकाशित 386 पटक पढिएको

नेकपा एमालेका नेता एवं पर्सा क्षेत्र नं ३ का संघीय सासद पदका उम्मेदवार राजकुमार गुप्ताले क्षेत्रमा रहेको बेरोजगारीको अवस्थाको अन्त्य आफनो प्रमुख बिषय भएको बताएका छन ।

प्रदेश र संघीय सासदका उम्मेदवारको सहभागितामा बहुदरमाई नगरपालिकाको बिश्रामपुरमा मंगलवार शुरुवात गर्दै नेता गुप्ताले यस्तो बताएका हुन ।

नेता गुप्ताले आफनो पहलमा १६५ केभिए प्रशारण लाईन जडान भएको २२ वटा उधोगहरुको आगमन भएको र भविष्यमा थप उधोगहरु ल्याउने वतावरणको निर्माण गरि बेरोजगारी समस्याको अन्त्यकालागि आफूले काम गर्ने बताए ।

उनले महुवनमा रहेको पारसनाथ मठलाई पर्यटककोलागि गन्त्ब्यको केन्द्र बनाउने थरुवटमा पर्यटकीय गन्तब्यकालागि तालको बिकासको अवधारणा आगाडि सारेको र पोखरियालाई आधुनीक शहरको रुपमा बिकास गर्ने आफनो ऐजेण्डा रहेको बताए ।

उनले हिजो २३ वर्ष सम्म सत्ता संचालन गर्ने ०७४ भन्दा अगाडि निरन्तर चुनाव जितेका र मंत्री भएका मान्छेले क्षेत्रको बिकासमा माखो समेत नमारेको चर्चा गर्दै त्यही क्षेत्रलाई आफूले मुलुकमै नमुना क्षेत्र बनाउने कटिवद्धता ब्यक्त गरे ।

सत्ताधारी गठबन्धन निन्द्रा छ उसले सुतेर देश चलाएकोले बेथिति र अनियमितता मात्र छ बिकास र निकास दुबै बन्द छ बन्द रहेको बिकास र निकासकालागि जसपा एमाले गठबन्धन आजको आवश्यकता रहेको बताउदै सुखी नेपाली समृद्ध नेपालको आकंक्षा यसैले मात्र पुरा गर्ने बताए ।

नेकपा एमालेका पर्सा क्षेत्र नं ३ का इन्चार्ज मधेशले पहिचान पाएको बताउदै अव बिकास समृद्धि र आर्थिक बिकासको दिशाआ अगाडि बढन आवश्यक रहेको बताए । उनले समृद्धि प्राप्त गर्ने जनताको आकंक्षालाई एमालेको नेतृत्वले मात्र साकार रुप दिने बताए ।

रोड शोमा प्रदेश सभाका उम्मेदवारहरु “क” मन्जुर अन्सारी र “ख ” डा. मधु गुप्ता नेताहरु सलमा खातुन बहुदरमाई नगरपालिकाको उपप्रमुख सुष्मा कुशवाहा लगायतका नेता कार्यकर्ताको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।