कांग्रेसको सरकार देशको अहितमा छ ,बिकास र समृद्धिकालागि एमालेलाई मतदान गर्न नेता पौडेलको अपिल

इसीमाना सम्बाददाता २०७९ असोज २९ गते ०६: ४९ मा प्रकाशित 341 पटक पढिएको

नेकपा एमालेका पोलिटब्यूरो सदस्य एवं पूर्व मंत्री पुरुषोत्तम पौडेलले कांग्रेस नेतृत्वको गठबन्धन सरकार देशको अहितमा रहेको बताएका छन ।

नेकपा एमालेको पर्सा क्षेत्र नं १ को “क”को कार्यकर्ता भेलालाई शनिवार वीरगंजमा सम्बोधन गर्दै नेता पौडेलले बिकासको सपना देखाउने र त्यसलाई वास्तविक रुपमा निर्माण गरेर देखाउने नेकपा एमालेलाई जिताउन आवश्यक रहेको बताए ।

उनले मुलुकमा सम्पन्न र संचालीत रहेका ठुला परियोजना नेकपा एमालले शुरु गरेको बताए । हुलाकी सडकको निर्माण,वृद्धा भताको ब्यवस्था, ६ हजार किमी पिच सडकको निर्माण, मरिन डाइभर्सनको निर्माण जस्ता कामहरु एमालेले गरेको बताउदै बिकास र समृद्धिका निम्ति एमालेको बिकल्प नरहेको बताए ।

उनले पर्सा क्षेत्र नम्बर १ “क”का जनताले योग्य ,ईमन्दार उम्मेदवारको रुपमा बिचारी यादवलाई पाएको भन्दै बिकाश पुरुष बिचारी यादवलाई बिजयी गराउन आग्रह गरे ।

नेता पौडेलले उनले जनताको दुखसुखमा अहोरात्र खट्ने बिचारी यादवलाई बिजयी गराए मात्र यो क्षेत्रको बिकाश हुन सक्ने तर्क राखे ,

कार्यक्रममा नेकपा एस का नेता जलन्धर कुर्मी लोसपाका अशोक साह को नेतृत्वमा दुई सय भन्दा बढि नेता कार्यकर्ताहरु एमाले प्रवेश गरेका थिए। उनीहरुलाई नेता पौडेलले पार्टीमा स्वागत गरेका थिए ।

कार्यक्रममा नेकपा एमालेका पर्सा इन्चार्ज प्रभु हजरा, सह इन्चाज अरबिन्द सिंह, निर्मला देवकोटा, पर्सा अध्यक्ष जयप्रकाश थारु , प्रदेश सभा सदस्यका उम्मेदवार बिचारी यादव लगायतकाले धारणा राखेका थिए । कार्यक्रमको सहजीकरण वीरगंज महानगरका सचिव सुन्दर कुर्मीले गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।