आयोगका अधिकारीमाथि आम नागरिकको हत्याको आरोप लाग्नुपर्ने देखिन्छः न्यायमूर्ती बनर्जी

4/27/2021 गते 00 00 मा प्रकाशित 1089 पटक पढिएको

भारतमा कोभिड १९ को दोस्रो लहर भयावह हुनुमा चुनावी र्‍याली र यसको अनुमति प्रमुख कारण भएको मद्रासको उच्च अदालतले ठहर गरेको छ।

अदालतले चुनावी र्‍यालीको अनुमती दिएको भन्दै निर्वाचन आयोगको कडा आलोचना समेत गरेको छ।तमिलनाडुमा विधानसभा चुनावको मतगणनामा कोभिड प्रोटोकॉल को पालन संबंधी एक एक रिटको सुनवाईको क्रममा मद्रास हाईकोर्टले चुनाव आयोगको कडा आलोचना गरेको छ ।

अदालतले सार्वजनिक स्वास्थ्य सर्वोपरि सम्बैधानिक अधिकारहरुलाई यो कुरा स्मरण गराउनु पर्ने बिषय आफैमा चिन्ताजनक रहेको अदालते भनेको छ । सोमबार मद्रासका मुख्य न्यायाधीश सञ्जीव बनर्जीले निर्वाचन आयोगका तर्फबाट बहसमा उपस्थित कानुन व्यवसायीलाई भने, ‘कोरोनाको दोस्रो लहरका लागि मात्र निर्वाचन आयोग जिम्मेवार छ।’

आयोगसँग कडा रुपमा प्रस्तुत भएका मुख्य न्यायाधीश बनर्जीले आक्रोशित हुँदै उनले थपे, ‘ आयोगका अधिकारीमाथि आम नागरिकको हत्याको आरोप लाग्नुपर्ने देखिन्छ।’

हाईकोर्टले अदालतबाट यसअघि जारी भएको आदेशलाई बेवास्था गर्दै आयोगले चुनाव प्रचारका क्रममा फेसमास्क सेनिटाइनर र सामाजिक दूरीजस्ता नियम लागु नगरेको ठहर गरेको छ।

आयोगले ठुला संख्यामा सभा गर्न अनुमति दिएकाले झनै संक्रमण फैलाएको अदालतको आदेशमा उल्लेख छ ।भारतमा अहिले सम्म १ कारोड ७६ लाख २५ हजार ७ सय ३५ जना संक्रमीत भएका छन । १ लाख ९७ हजार ८ सय ८० को ज्यान गएको छ । २८ लाख सक्रिय संक्रमीत रहेका छन । अन्य भने उपचार पछि घर फर्किएका छन । घर फर्किनेको संख्या १ करोड ४५ लाख ४५ हजार रहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।