नेपाल र भारतकानागरिकबीचको सम्बन्ध थप सुदृढ पार्न जोड

1/10/2021 गते 00 00 मा प्रकाशित 1470 पटक पढिएको

छिमेकी देश भारत र नेपालको सीमाक्षेत्रकानागरिकहरुबीचको सम्बन्धलाई थप सुदृढ बनाउने विषयमा दुवै तर्फका सरोकारवालाहरुले जोड दिएका छन् ।

भारतको विहार राज्यको पूर्वी चम्पारणमा आयोजित भारत–नेपाल मैत्री सम्वाद कार्यक्रममा सहभागी नेपाल तथा भारतका सरोकारवाला व्यक्तिहरुले यस्तो जोड दिएका हुन् ।

नेपाल र भारतका पत्रकारहरुको साझामञ्च, मिडिया फर वोर्डर हार्मोनी पूर्वी चम्पारण हरिसिद्धिमा आयोजित कार्यक्रममा बोल्दै वीरगन्ज महानगरपालिकाका प्रमुख विजयकुमार सरावगीले युगौंदेखिको नेपाल र भारतको सीमा क्षेत्रका नागरिकबीच रहेको सामाजिक, आर्थिक, सांस्कृतिक सम्बन्धलाई अझ सुदृढ बनाउनुपर्ने बताउनुभयो ।

उहाँले नेपालको प्रमुखनाका वीरगन्ज नै रहेको र सामाजिक, सांस्कृतिक, धार्मिक समानता रहेकोले सम्बन्धलाई अझ प्रगाढ बनाउन दुवै देशका नागरिकहरुको महत्वपूर्ण भूमिका रहेको बताउनुभयो ।

मिडिया फर वोर्डर हार्मोनीका पूर्व अध्यक्ष राजेन्द्र प्रसाद गुप्ताको अध्यक्षतामा भएको कार्यक्रममा नेपालको तर्फबाट निवर्तमान सांसद प्रदीप यादव, नेपाली कांग्रेसका पर्सा सभापतिअजय द्विवेदी, प्रदेसभा सदस्यहरु रमेश पटेल, करिमा वेगम, ओमप्रकाश शर्मा, अशोक वैद, बरिष्ठ पत्रकार चन्द्रकिशोर लगायतको सहभागिता रहेको थियो ।

भारतको तर्फबाट पूर्व चम्पारणका सांसद अजयनिषाध, विधायक के एन पासवानलगायतको सहभागिता रहेको मिडिया फर हार्मोनीका नेपाल सदस्यअनिलकुमार तिवारीले जानकारी दिनुभयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।