भारतमा कोरोनाका संक्रमणका कारण मृत्युहुने क्रम बढदो,२४ घण्टामा १ सय ९४ जनाको ज्यान गयो

5/28/2020 गते 00 00 मा प्रकाशित 1519 पटक पढिएको

कोरोना भाइरसका कारण भारतमा बितेको चौबिस घण्टामा १ सय ९४ जनाको ज्यान गएको छ भने साढे ६ हजारभन्दा बढी संक्रमित थपिएका छन्।

भारतमा अहिलेसम्म कोरोनाका कारण ४ हजार ५ सय ४० जनाको मृत्यु भएको छ भने १ लाख ५८ हजार ६ सय १३ जनामा भाइरसको संक्रमण रहेको पुष्टि भएको छ।

एकैदिनमा भारतमा ६ हजार ५ सय ६६ जना नयाँ संक्रमित फेला परेका छन्। संक्रमितमध्ये ६७ हजार ७ सय ४९ जना उपचारपछि निको भई घर फर्किसकेका छन्।

नेपाल संग सीमा जोडिकएको भारतको बिहार राज्यमा ३ हजार ३६ जना संक्रमीत छन । उत्तर प्रदेशमा ६ हजार ९ सय ९१ जना ,पश्चिम बंगालमा ४ हजार १ सय ९२,उत्तराखण्डमा ४ सय ६९ मा संक्रमण पुष्टि भएको छ ।
कोरोनाबाट सबैभन्दा बढी प्रभावित महाराष्ट्र बनेको छ। महाराष्ट्रमा अहिलेसम्म १ हजार ८ सय ९७ जनाको मृत्यु भएको छ भने करिब ५७ हजार जना संक्रमित भेटिएका छन्।

भारतभर ८ हजार ९ सय ४४ जनाको अवस्था गम्भिर रहेको छ भने ३३ लाख ६२ हजार १ सय ३६ जनाको स्वास्थ्य परीक्षण गरिएको छ।

विश्वभर कोरोना भाइरसका कारण ३ लाख ५७ हजार ४ हजार ५ सय ६७ जनाको मृत्यु भएको छ भने ५७ लाख ९२ हजार २ सय ५३ जनामा संक्रमण रहेको छ। संक्रमितमध्ये २४ लाख ९८ हजार ७ सय ३० जना उपचारपछि निको भई घर फर्किसकेका छन्।

स्वास्थ्य तथा जनसंख्या मन्त्रालयका अनुसार नेपालमा कोरोना भाइरसका कारण ५ जनाको मृत्यु भएको छ भने ८ सय ८६ जना संक्रमित भएका छन्। संक्रमितमध्ये १ सय ८३ जना निको भएका छन्।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।