प्रथम बीरगंज गोल्डकप फूटवल प्रतियोगिताको फाइनल शनिवार पुलीस र आर्मीको बिभागीय टिम भिड्ने

इसीमाना सम्वाददाता २०८० कार्तिक २३ गते ०८: २६ मा प्रकाशित 506 पटक पढिएको

बीरगंज । त्रिभूवन आर्मी क्लब प्रथम बीरगंज गोल्डकप फूटवल प्रतियोगिताको फाइनलमा प्रवेश गरेको छ । संकटा क्लबलाई १-० ले हराउदै आर्मीले फाइलनमा स्थान सुरक्षीत बनाएको हो ।

९० मिनेटको निर्धारितसमयको खेलमा पहिलो हाफको २२ औ मिनेटमा आर्मीका रिपु बलोनले गोल गरेका थिए । जर्सी नम्बर ३० का खेलाडी बलोनले गरेको गोल नै अन्तिम सम्म निर्णायक रहेको थियो ।

त्रिभूवन आर्मी क्लब खेल प्रारम्भ देखी नै संकटा माथि हावी भएको थियो । संकटाका खेलाडीले आर्मीको गोलपोष्टमा बल नहानेका त होइनन तर सफलता भने पाउन सकेनन ।

खेलको म्यान अफ दी म्याच आर्मीका रिपु बलोन घोषित भए । उनले नगद १० हजार रपैया पुरस्कार प्राप्त गरे । बुधवार भएको खेलमा नेपाल पुलीसले आयोज भेट्रान सिटी क्लबलाई हराएर फाइनलमा प्रवेश गरिसकेको छ ।

प्रतियोगितामा शनिवार फाइनल खेल हुनेछ । फाइनलमा नेपाल पुलीस र नेपाल आर्मीको बिभागिय टिमकावीच प्रतिस्पर्धा हुनेछ । प्रतियोगिताको फाइनलमा उपाधी कब्जा गर्ने टिमले ११ लाख रुपैया पुरस्कार पाउने छ । दोश्रो हुनेले ५ लाख ५५ हजार पुरस्कार पाउने छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।