त्रिभुवन आर्मी क्लब बीरगंजमा जारी वीरगञ्ज गोल्डकप फुटबल प्रतियोगिताको सेमीफाइनलमा प्रवेश

इसीमाना सम्वाददाता २०८० कार्तिक २१ गते ०८: ५२ मा प्रकाशित 455 पटक पढिएको

वीरगञ्ज । त्रिभुवन आर्मी क्लब बीरगंजमा जारी वीरगञ्ज गोल्डकप फुटबल प्रतियोगिताको सेमीफाइनलमा प्रवेशगरेको छ ।

झापा एफसीलाई पराजित गर्दै त्रिभुवन आर्मी क्लब वीरगञ्ज गोल्डकप फुटबल प्रतियोगिताको सेमिफाइनलमा प्रवेश गरेको हो। वीरगञ्जको आदर्शनगर रङ्गशालामा गोल्डकपअन्तर्गत मङ्गलवार भएको चौथो खेलमा खेलमा झापालाई २–० गोलले हराउँदै आर्मी क्लबले सेमिफाइनलमा पुग्न सफल भएको हो ।

मङ्गलवार भएको खेलको प्लेयर अफ दी म्याच आर्मीका लागि दोस्रो गोल गरेका फत्तेमान घले घोषित भए । त्यसबापत उनले क्वेस्ट फार्मासियुटिकलको तर्फबाट १० हजार रुपैयाँ पुरस्कार पनि प्राप्त गरे ।

मङ्गलवारको विजेता आर्मीले अब फाइनल प्रवेशका लागि बिहीबार हुने दोस्रो सेमिफाइनल खेलमा सङ्कटा क्लब काठमाडौँको सामना गर्नेछ । सङ्कटा क्लब नकआउट चरणमा चर्च ब्वाइज युनाइटेड नवलपरासीलाई पाखा लगाउँदै सेमिफाइनलमा प्रवेश गरेको हो ।

प्रतियोगितामा बुधवार हुने पहिलो सेमिफाइनल खेलमा भने आयोजक भेट्रान सिटी क्लब वीरगञ्ज र नेपाल पुलिस क्लब भिड्ने छन् । वीरगञ्जले भारतको दिल्लीलाई र पुलिस क्लबले भारतको कलकत्तालाई हराउँदै अन्तिम चारको यात्रा तय गरेका छन् ।

मधेस प्रदेशकै सबैभन्दा उच्च धनराशिको यो प्रतियोगिता कार्तिक २५ गतेसम्म चल्ने छ । प्रतियोगिताको उपाधि विजेता टिमलाई नगद ११ लाख ११ हजार १ सय ११ रुपैयाँ र उपविजेता टिमलाई नगद ५ लाख ५५ हजार ५ सय ५५ रुपैयाँ पुरस्कार प्रदान गरिने छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।