प्रथम बीरगन्ज गोल्डकप फुटबल प्रतियोगिता शुरु, उद्घाटन खेलमा आयोजक भेट्रान सिटी क्लब बिजयी

इसीमाना सम्वाददाता २०८० कार्तिक १८ गते ०९: ११ मा प्रकाशित 441 पटक पढिएको

बीरगन्ज । शनिवारदेखि बीरगन्जको आदर्शनगर खेल मैदानमा शुरु भएको प्रथम बीरगन्ज गोल्डकप फुटबल प्रतियोगिताको बीरगंजका प्रमुख राजेशमानसिंहले एक कार्यक्रमकावीच उद्घाटन गरेका छन ।

शनिवार दिउँसो ३ः३० बजेदेखि शुरु भएको उद्घाटन खेलमा आयोजक भेट्रान सिटी क्लब वीरगन्जले विजयी सुरुवात गरेको छ। खेलमा भारत दिल्लीको गढ्वाल डायमण्ड एफ.सी.लाई टाइबेकरमा ३ १को गोल अन्तरले पराजित गर्दै आयोजक बीरगन्जले विजयी सुरुवात गरेको हो। यो जितसंगै वीरगन्ज सेमिफाइनलमापनि प्रवेश गरेको छ।

निर्धारित ९० मिनेटको खेलमा दुवै टिमबाट गोलरहित बराबरी भएपछि खेलको अन्तिम निर्णय टाइबेकरबाट गरिएको थियो । टाइबेकरमा ३ १ को अन्तरले दिल्ली पराजीत भएको हो ।

प्रतियोगितामा आइतबारको खेल संकटा क्लब काठमाडौं र चर्च ब्वाइज युनाइटेड नवलपरासीबीच हुने आयोजक भेट्रान सिटी क्लब वीरगन्जका महासचिव पंकज श्रेष्ठले जानकारी दिए।

भेट्रान सिटी क्लबले आयोजना गरेको खेलको मुख्य प्रायोजक बीरगन्ज महानगरपालिका रहेको छ । आयोजकले गोल्डकप मधेश प्रदेशकै सबै भन्दा महगो धनराशीको भएको दावी गरेका छन् ।

प्रतियोगितामा नेपालका नेपालका ६ र भारतका २ टिमको सहभागिता रहेको छ । प्रतियोगिताको विजेताले ११ लाख ११ हजार ११ सय रुपैयाँ र उपविजेताले ५ लाख ५५ हजार ५ सय रुपैयाँ पुरस्कार पाउनेछन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।