११ औँ राष्ट्रिय खेलकुद प्रतियोगीताकालागि मधेशका खेल संरचना अवलोकन गर्दै खेलकुद मंत्री लिम्बु

इसीमाना सम्वाददाता २०८० सावन १३ गते १०: ३४ मा प्रकाशित 370 पटक पढिएको

बीरगंज । युवा तथा खेलकुद मन्त्री डिग बहादुर लिम्बुले वीरगन्ज स्थित नारायणी रंगशालाको निरीक्षण तथा अनुगमन गरेका छन् ।

दशरथ रंगशालापछिको उपत्यका बाहिरकै सबैभन्दा पूरानो रंगशालाको अवस्थाका बारेमा मन्त्री लिम्बुले स्थलगत अवलोकन तथा निरीक्षण गरेका हुन् ।

मन्त्री लिम्बुले आगामी २०८३ सालमा हुने ११ औँ राष्ट्रिय खेलकुद प्रतियोगीता मधेश प्रदेशमा गर्ने तयारीका लागि यहाँका खेलकुद संरचनाको अवलोकन तथा निरीक्षणका लागि आएको बताए । उनकाअनुसार मधेश प्रदेशको समृद्धि र विकासका लागि खेलकुदमार्फत पर्यटनको प्रवद्र्धन गर्न सकिन्छ ।

रंगशालाको अवलोकन गर्दै मन्त्री लिम्बुले राजनीतिक अस्थितरताका कारण मर्मत सम्भारमा ध्यान नपुगेको बताए । उनले देशमा राजनीतिक स्थिरता कायम भए मात्र अर्थतन्त्रमा सुधार आई रंगशालाको मर्मत सम्भार हुने बिचार ब्यक्त गरे ।

मन्त्री लिम्बुले स्थानीय समुदाय, जनप्रतिनिधि र स्थानीय सरकारलाई रगंशालाको बढोत्तरी र सुधारका लागी सबैले मिलेर हातेमालो गर्न आग्रह गरेका छन ।

अनुगमनको क्रममा मधेश प्रदेशका प्रदेश सभा सदस्य श्याम पटेल, राष्ट्रिय खेलकुद परिषद्का सदस्य मानदेव हजरा, वीरगञ्ज महानगरपालिका वडा नम्बर १५ का वडाअध्यक्ष गजेन्द्र प्रसाद पटेल, भलिबल संघका केन्द्रीय सचिव फिरोज अली, लगायतको सहभागिता रहेको थियो।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।