नेपाल डोरी तान सघको पर्सा जिल्ला कार्यसमितिको अध्यक्षमा प्रधान सर्वसम्मत

इसीमाना सम्वाददाता २०८० असार २४ गते १०: ०६ मा प्रकाशित 601 पटक पढिएको

वीरगंज । नेपाल डोरी तान सघको पर्सा जिल्ला कार्यसमिति निर्माण भएको छ । डोरी तान खेलसंग सम्बन्धित ब्यक्तिहरुको आइतवार वीरगंजमा भएको भेलाले पुरन प्रधानको अध्यक्षतामा नेपाल डोरी तान संघको पर्सा जिल्ला कार्य समिति गठन गरेको छ ।

संघका केन्द्रीय सदस्य अन्जना पन्त कडरियाको प्रमुख आतिथ्यमा सम्पन्न भेलाले प्रधानलाई सर्वसम्मत रुपमा अध्यक्षमा चयन गरेको हो ।

समितिको उपाध्यक्षमा आलोक चौरसिया, सचिवमा राहुल श्रीवास्तव कोषाध्यक्षमा सरोज चौधरी र सदस्यहरुमा छेदुप लामा,शिव गुप्ता,सन्नी पाख्रीन, श्रीमती मनिषा सुनुवार र सुरजबाबु पटेल रहेका छन ।

समितिको सल्लाहकारमा पत्रकार के.सी.लामिछाने र नेपाल खेलकुद महासंघ पर्साका अध्यक्ष मनोज साहलाई चयन गरिएको छ ।

भेलामा संघका प्रदेश अध्यक्ष प्रभू नारायण शिवाकोटीले डोरी तान संघको इतिहास आहिलेको अवस्था राष्ट्रिय तथ अन्राष्ट्रिय स्तरमा यो खेल र यस प्रतिको आकर्षणको बारेमा प्रकाश पारेका थिए ।

राष्ट्रिय खेलकुद परिषद अन्र्तगतको डोरी तान संघले निकट भविष्यमा मधेश प्रदेशमा बिभिन्न स्थानमा प्रतियोगिता र निर्णायकका बारेमा प्रशिक्षणको आयोजना गर्न लागेको शिवाकोटीले जानकारी दिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।