वीरगञ्जमा अन्तर्राष्ट्रिय तेक्वान्दो प्रतियोगिता शुरु

इसीमाना सम्वाददाता २०७८ चैत २५ गते ०८: ३२ मा प्रकाशित 1031 पटक पढिएको

वीरगञ्जमा पहिलो पटक अन्तर्राष्ट्रिय तेक्वान्दो प्रतियोगिता शुरु भएको छ । प्रतियोगिताको मधेश सरकारका उर्जा तथा खानेपानी मन्त्री ओमप्रकाश शर्माले उद्घाटन गर्नु भयो । प्रतियोगितामा नेपाल, भारत र बंगलादेशका गरी १३ वटा टिम सहभागीता रहेको छ ।

नेपाली सेनाको त्रिभुवन आर्मी क्लब, सशस्त्र प्रहरीको एपिएफ क्लब र नेपाल पुलिस क्लब सहित नेपालका ९ भारतका ३ र बंगालदेशको एउटा टिमले प्रतिस्पर्धामा भाग लिन्छ । शनिबारसम्म चल्ने प्रतियोगितामा ४१ केजी तौल देखी ७४ केजी तौल समुहका खेलाडीहरुको सहभागिता रहने पर्सा जिल्ला तेक्वान्दो संघका अध्यक्ष गणेशमान श्रेष्ठले जानकारी दिनु भयो ।

प्रतियोगितामा खेलाडी, रेफ्री र प्रशिक्षक गरि करिब ३ सय जनाको सहभागीता रहेको संघका बरिष्ठ उपाध्यक्ष एवम् प्रतियोगिताका संयोजक बिरेन्द्र पटेलले बताउनु भयो । पटेलका अुनसार अगामी १४ औं साग खेलकुद प्रतियोगिता र इन्डोनेसियामा हुने १९ औं एसियन खेलकुद प्रतियोगितालाई मध्यनजर गर्दै वीरगन्जमै अन्तर्राष्ट्रिय प्रतियोगिताको आयोजना गरिएको हो ।

प्रतियोगिताको उद्घाटन समारोहमा मधेश प्रदेशका प्रदेशसभा सदस्य राजेश्वर साह तेली, जिल्ला प्रशासन कार्यालय पर्साका प्रमुख जिल्ला अधिकारी उमेश कुमार ढकाल, जिल्ला प्रहरी कार्यालय पर्साका प्रमुख प्रहरी उपरीक्षक रमेशकुमार बस्नेत, सशस्त्र प्रहरी उपरीक्षक तेजप्रसाद पोखरेल, प्राध्यापक डा. दीपक शाक्य, वडा अध्यक्ष रामनगीना साह कानु, एमाले नेता शिव पटेल लायगतले शुभकामना ब्यक्त गरेका थिए ।

प्रथम, द्धितीय र तृतीय हुने टिमलाई क्रमश ५० हजार, २५ हजार र १५ हजार रुपैयाँ पुरस्कार दिइने समितिका वरिष्ठ सल्लाहकार निशान्त लामिछानेले बताउनु भयो । यस्तै प्रतियोगिताको वेस्ट फाइटर महिला र पुरुषलाई २५र२५ हजार रुपैयाँ पुरस्कार प्रदान गरिने छ । प्रतियोगिता उद्घाटन हुनुअघि सहभागी भएका सबै खेलाडी, रेफ्री, प्रशिक्षक, आयोजक र अतिथिले नगरसभा गृहबाट घन्टाघरसम्म पीस मार्च र्‍याली निकालेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।