विभागिय टिम नेपाल एपीएफ क्लब जगदम्बा १२औं जीतपुरसिमरा गोल्डकपको फाईनलमा प्रवेश गरेको छ । सिमरा रंगशालामा विहिवार भएको दोस्रो सेमिफाईनल खेलमा सर्लाहीको बाग्मती युवा क्लबाई ४ १ ले पन्छाउदै एपीएफ फाईनलमा प्रवेश गरेको छ ।

एपीएफले अब उपाधीका लागि न्युरोड टिम (एनआरटी) क्लबसंग शनिवार खेल्नेछ । आयोजकलाई ३ २ ले पराजित गर्दै एनआरटी यसअघिनै प्रतियोगिताको फाईनलमा प्रवेश गरिसकेको छ । फाईनल यात्रा तय गर्ने क्रममा एपीएफका लागि अर्माण्ड बेडमले दुई गोल गरे भने सविन गुरुङ र प्रदीप लामाले एकएक गोल गरे । बाग्मतीका लागि भने अनिल राना मगरले गोल फर्काए ।

बाग्मतीमाथी सहज जित हात पार्ने क्रममा एपीएफले खेलको १२औं मिनेटमा सविन गु?»को गोलबाट अग्रता लिएको थियो । डिबक्स भित्र पाएको बललाई सविनले गोल गरेका थिए । बाग्मतीको रक्षापंक्ती सम्हालिन नसक्दा सविनले प्रहार गरेको बलले सिधै जाली चुमेको थियो ।

बिएफसी चितवनलाई २ १ र साविक बिजेता संकटा क्लबलाई १ ० ले पराजित गर्दै सेमिफाईनलको यात्रा तय गरेको बाग्मतीलाई उपाधी दावेदारका रुपमा हेरिएको थियो । तर महत्वपूर्ण सेमिफाईनल खेलमा ए डिभिजनको विभागिय टिम एपीएफसंग आकर्षक खेल प्रदर्शन गर्न नसकेपछि बाग्मती अन्तिम चारबाटै घर फर्कन बाध्य भएको हो ।

खेलको सु?वातमै अग्रता लिएको एपीएफले खेलको १६औं मिनेटमा दोस्रो गोल गरेको थियो । अर्माण्ड बेडमले एपीएफका लागि गोल गर्दै खेल २ ० को स्थितीमा पु¥याएका थिए । अघिल्ला दुई खेलमा आकर्षक खेल प्रदर्शन गर्दै घरेलु दर्शकको मन जितेको बाग्मतीले एपीएफवि?द्ध राम्रो सु?वात गर्न सकेन् ।
सु?वातदेखीनै तालमेलको खोजीमा रहेको बाग्मतीवि?द्ध एपीएफले दवाव कायम राख्दै स्कोर निकालेको थियो । एपीएफवि?द्ध दुई गोलले पछि परेपछि दवावमा देखिएको बाग्मतीले खेलको ३६औं मिनेटमा गोल गर्न अवसर गुमाएको थियो ।

बाग्मतीका कोएरा फ्लोरेन्टले मिलाएको पासलाई सदुपयोग गर्न दीपेश चाम्लि राई चुके । डिबक्स भित्र पाएको उत्कृष्ट अवसर सदुपयोग गर्न दीपेश असफल देखिए । उनको प्रहार क्रसबार माथीबाट बाहिरियो ।

त्यसलगत्तै बनाएको अर्को अवसरमा भने बाग्मती सफल भयो । अनिल राना मगरले उत्कृष्ट गोल गर्दै बाग्मतीलाई खेलमा फर्काउने प्रयास गरे । उनको प्रहारलाई नियन्त्रणमा लिन एपीएफका गोलरक्षक राजु नगरकोटी असफल देखिए् ।

हिमालयन शेर्पाविरुद्ध ३ २ को जित निकाल्दै सेमिफाईनल प्रवेश गरको एपीएफले पहिलो हाफको ईन्जुरी समयमा पाएको पेनाल्टी अवसर सदुपयोग गर्न सकेन् । बाग्मतीबाट खेलेका थ्रिस्टारका गोलरक्षक प्रिसोले बिके तामा»लाई लडाएपछि रेफ्री प्रकाशननाथ श्रेष्ठले एपीएफलाई पेनाल्टी अवसर दिएका थिए । पेनाल्टीमा एपीएफका आभाष लामिछाने गोल गर्न चुके । उनको प्रहार प्रिसोले उत्कृष्ट बचाउ गरे ।

पेनाल्टीमार्फत अग्रता बढाउने अवसर गुमाएको एपीएफले खेलको ७९औं मिनेटमा तेस्रो गोल थपेको थियो । अर्माण्ड बेडमले उत्कृष्ट हेडमार्फत गोल गर्दै एपीएफलाई ३ १ को स्थितीमा पु¥याएका हुन् । टिमका लागि तेस्रो र व्यक्तिगत दोस्रो गोल गरेका अर्माण्डको हेडर प्रशंसा गर्न लायक थियो । जारी प्रतियोगितामा बेडमको यो तेस्रो गोल हो । बेडमले यसअघि शेर्पावि?द्ध पनि एक गोल गरेका थिए ।

दोस्रो हाफमा सुधारिएको प्रदर्शन गरेपनि फिनिसि»मा चुकेको बाग्मतीले खेलको ८३औं मिनेटमा चौथो गोल खान पुग्यो । एपीएफका प्रदीप लामाले डिबक्स भित्र प्राप्त बललाई गोलमा परिणत गरे । उनको प्रहारलाई बाग्मतीका गोलरक्षक प्रिसोले नियन्त्रणमा लिन सकेनन् ।

खेलको अन्तिम समयमा लगातार दुई गोल खाएपछि दवावमा परेको बाग्मतीले अन्ततः ४१ पराजय आत्मसाथ गर्न बाध्य भयो । एपीएफको जितमा उत्कृष्ट प्रदर्शन गरेका प्रदीप लामा खेलको म्यान अफ दि म्याच घोषित भए । उनले पाँच हजार नगद प्राप्त गरे ।

एपीएफ जीतपुरसिमरा गोल्डकपको फाईनलमा प्रवेश गरेको यो दोस्रो पटक हो । यसअघि दोस्रो संस्करणमा फाईनलमा प्रवेश गरेको एपीएफ हिमालय शेर्पासंग पराजित हुँदा उपविजेता बनेको थियो ।