वीरगंज सिटी हाफ मैराथन २०७४को तयारी पुरा, प्रतियोगिता बिहान ७ बजे शुरु हुने

4/21/2017 गते 00 00 मा प्रकाशित 1434 पटक पढिएको

वीरगंज,८ बैशाख ।
जगदम्बा पाईप वीरगंज सिटी हाफ मैराथन २०७४ प्रतियोगिता भोली बिहान ७ बजे शुरु हुने भएको छ । वीरगंज घण्टाघरमा हुने प्रतियोगिताको सम्पुर्ण तयारी पुरा भईसकेको र निर्धारित समयमै प्रतियोगिता हुने एथलेटिक्स संघ पर्साका संयोजक एवं कार्यक्रमक संयोजक शैलेन्द्र पाण्डेले बताए ।
प्रतियोगिता खुला तर्फ २१।१ किलोमिटर र मिडिया र प्रतिष्ठान तर्फ ३ किलोमिटर गरी २ समुहमा प्रतियोगिता हुने एथलेटिक्स संघ पर्साका संयोजक पाण्डेले बताए ।
खुला तर्फ हुने २१।१ किलोमिटर दौड प्रतियोगितामा प्रथम हुनेलाई प्रमाण पत्र, मेडल सहित नगद २०,००० हजार,दोस्रो हुनेलाई प्रमाण पत्र, मेडल सहित नगद १५,००० हजार र तेस्रो हुनेलाई प्रमाण पत्र, मेडल सहित नगद १०,००० हजार पुरस्कार दिने पाण्डेले बताए । यसैगरी ३ किलोमिटर दौडमा प्रथम हुनेलाई प्रमाण पत्र, मेडल सहित नगद ७,००० हजार,दोस्रो हुनेलाई प्रमाण पत्र, मेडल सहित नगद ५,००० हजार र तेस्रो हुनेलाई प्रमाण पत्र, मेडल सहित नगद ३,००० हजार पुरस्कार दिने पाण्डेले बताए ।
खुला तर्फ हुने २१।१ किमि हाफ मैराथन घण्टाघर देखि डाबर सम्म र डाबर देखि घण्टाघर सम्म हुने आयोजकले जनाएको छ । यसैगरी ३५ बर्ष उमेर समुहका व्यक्तिले मात्र सहभागि हुन पाउने मिडिया र प्रतिष्ठानतर्फको ३ किलो मिटरको दौड प्रतियोगिता घण्टाघर देखि पावर हाउस सम्म र पावर हाउस देखि घण्टाघर सम्म हुने कार्यक्रम संयोजक शैलेन्द्र पाण्डेले जानकारी दिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।