वीरगञ्ज, ११ माघ । वीरगञ्जमा जारी प्याब्सन जुनीयर नकआउट फुटबल प्रतियोगिता अन्तर्गत मंगलबार भएको पहिलो खेलमा ट्रिनिटी हाइटेक मावि विजयी भएको छ । मंगलबार बिहान भएको खेलमा ट्रिनिटी माविले सेन्ट जेभियर्स माविलाई एकका विरुद्ध चार गोलले पराजित गरेको हो ।
मंगलबारै भएको दोश्रो खेलमा ज्ञान ज्योति मावि विजयी भयो । ज्ञान ज्योति माविले चिल्डूेन वल्र्ड माविलाई ५–० गोलले पराजित गरेको हो । यसैगरि मंगलबारै भएको तेश्रो खेलमा मनकामना मावि विजयी भयो । मनकामना माविले मास्कोट माविलाई २–० गोल अन्तरले पराजित गरेको हो ।
मंगलबार भएको अन्तिम खेलमा गौतम माविले वीरगञ्ज पब्लिक स्कुललाई एकका विरुद्ध आठ गोलले पराजित गरेको छ । प्याब्सन पर्साले आयोजना गरेको प्रतियोगितामा पर्सामा रहेका २२ वटा निजी विद्यालयका टिमले भाग लिएका थिए । प्रतियोगिता माघ १६ गते सम्म चल्नेछ ।
तपाईको प्रतिक्रिया