मधेस प्रदेशमा इजाजत प्राप्त ४ सय ८१ थान हातहतियार बुझाइयो
जनकपुरधाम । प्रतिनिधिसभा सदस्य निर्वाचनलाई लक्षित गर्दै सुरक्षा व्यवस्थालाई कडा बनाउने क्रममा मधेस प्रदेशमा इजाजत प्राप्त हातहतियार संकलन कार्य तीव्र पारिएको छ।
मधेस प्रदेश प्रहरी कार्यालयका अनुसार निर्वाचनलाई स्वतन्त्र, निष्पक्ष र भय रहित वातावरणमा सम्पन्न गर्ने उद्देश्यले जिल्ला प्रशासन कार्यालयहरूले जारी गरेको सूचनापश्चात् हालसम्म ४ सय ८१ थान बन्दुक बुझाइएको छ।
प्रदेशका आठवटै जिल्लामा गरी २ हजार ५ सय ३१ थान इजाजत प्राप्त हातहतियार दर्ता रहेको तथ्यांक प्रहरीसँग छ। तर तीमध्ये हालसम्म करिब १९ प्रतिशत मात्र हतियार सम्बन्धित प्रहरी निकायमा बुझाइएको देखिएको छ। अझै २ हजार ५० थान हतियार संकलन हुन बाँकी रहेको प्रहरीको भनाइ छ।
प्रशासनको आह्वान, नागरिकको सुस्त प्रतिक्रिया
स्थानीय प्रशासनले नजिकको प्रहरी इकाइ वा जिल्ला प्रहरी कार्यालयमा अनिवार्य रूपमा हतियार बुझाउन सार्वजनिक सूचना जारी गरेको थियो। निर्वाचन अवधिभर व्यक्तिगत रूपमा राखिएका हतियार दुरुपयोग हुन सक्ने जोखिमलाई मध्यनजर गर्दै यस्तो कदम चालिएको हो।
तर अपेक्षाअनुसार हतियार संकलन हुन नसकेको तथ्यांकले प्रशासनलाई थप सक्रिय बन्न दबाब दिएको छ। सुरक्षा स्रोतका अनुसार कतिपय हतियारधनी अझै सम्पर्कमा नआएको र केहीले अटेरी गरिरहेको आशंका गरिएको छ।
सुरक्षा रणनीति कडा
प्रहरीले बाँकी हतियार संकलनका लागि पुनः सार्वजनिक सूचना जारी गर्ने, घरदैलो अनुगमन गर्ने तथा अटेरी गर्नेहरूविरुद्ध कानुनी कारबाही प्रक्रिया अघि बढाउने तयारी गरेको जनाएको छ।
निर्वाचन नजिकिँदै जाँदा अवैध गतिविधि नियन्त्रण, शान्ति सुरक्षा सुदृढीकरण तथा मतदातामा विश्वासको वातावरण निर्माण गर्नु प्रमुख प्राथमिकता रहेको प्रहरी अधिकारीहरूको भनाइ छ।
सुरक्षा निकायले समयमै सबै हतियार संकलन हुने विश्वास व्यक्त गर्दै नागरिकलाई जिम्मेवार र सहयोगी बन्न आग्रह गरेको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया