वीरगञ्जमा निर्वाचन रिपोर्टिङ र पत्रकार आचारसंहिताबारे अभिमुखीकरण सम्पन्न
वीरगञ्ज । निर्वाचन रिपोर्टिङ र पत्रकार आचारसंहिता विषयक एकदिने अन्तरक्रिया तथा अभिमुखीकरण कार्यक्रम आज वीरगञ्जमा सम्पन्न भएको छ। नेपाल पत्रकार महासंघ केन्द्रीय कमिटीको आयोजनामा कार्यक्रम सम्पन्न भएको हो।
मधेस प्रदेशमा क्रियाशील पत्रकारहरुलाई आसन्न २१ फागुनको निर्वाचनलाई लक्षित गर्दै प्रभावकारी, निष्पक्ष र जनमुखी ढंगले कसरी रिपोर्टिङ गर्ने भन्ने विषयमा जानकारी दिने उद्देश्यले कार्यक्रम आयोजना गरिएको महासंघले जनाएको छ।
कार्यक्रममा पर्साका प्रमुख जिल्ला अधिकारी भोला दाहालले निर्वाचनको समयमा पत्रकारहरुलाई अझ दक्ष, जिम्मेवार र संवेदनशील बनाउन अभिमुखीकरण आवश्यक रहेको बताए।
उनले चुनावी रिपोर्टिङमा तथ्यपरकता, सन्तुलन र आचारसंहिताको पालना अनिवार्य हुने उल्लेख गरे।
त्यसैगरी, महासंघकी उपाध्यक्ष नितु पंडितले पत्रकारहरुले महासंघद्वारा जारी आचारसंहिताको पूर्ण पालना गर्दै निर्वाचनसम्बन्धी समाचार सम्प्रेषण गर्न आग्रह गरिन्।
प्रशिक्षणसमेत दिएकी उनले आचारसंहिता उल्लंघनका कारण पत्रकारहरुले विभिन्न चुनौती र जटिलता भोग्नुपरेको उल्लेख गर्दै सचेत र जिम्मेवार पत्रकारिताको आवश्यकता औंल्याइन्।
कार्यक्रममा नेपाल पर्साको निर्वाचन क्षेत्र नं २ का निर्वाचन अधिकृत मधुसुदन आचार्य,नेपाल पत्रकार महासंघका केन्द्रीय सचिव अशोक तिवारी, लेखा संयोजक के.सी.लामिछाने, पूर्व केन्द्रीय सचिव दीपेन्द्र चौहान लगायतले निर्वाचन आचार संहिताको बिषयमा प्रकाश पारेका थिए ।
कार्यक्रममा निर्वाचनको समयमा ध्यान दिनुपर्ने विषय, समाचार सम्प्रेषणका मापदण्ड, भ्रामक सूचनाबाट जोगिने उपाय तथा जनमुखी पत्रकारिताका सिद्धान्तबारे विस्तृत छलफल गरिएको थियो।
अभिमुखीकरण कार्यक्रममा मधेस प्रदेशका विभिन्न जिल्लाबाट आएका पत्रकारहरुको उल्लेखनीय सहभागिता रहेको आयोजकले जनाएको छ। मधेश प्रदेशका अध्यक्ष शयाम बन्जाराले संचालन गरेको कार्यक्रममा पर्साका अध्यक्ष ओक प्रकाश खनालले स्वागत मन्तब्य ब्यक्त गरेका थिए ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया