पत्रकार माथिको आक्रमण प्रकरण,महासंघको मिशन टोली जनकपुरमा
जनकपुरधाम । पत्रकारहरूमाथि भएको आक्रमणको छानबिन गर्न नेपाल पत्रकार महासङ्घको केन्द्रीय टोली जनकपुर आइपुगेको छ।
नेपाल बार एशोसिएसन, जनकपुरका केही वकिलहरूको समूहले पत्रकारहरूमाथि गरेको सांघातिक आक्रमणको घटनाबारे तथ्य संकलन गर्न र वर्तमान अवस्था बुझ्न यो टोली जनकपुर आएको हो।
महासङ्घका लेखा संयोजक के.सी.लामिछानेको नेतृत्वमा आएको यो तीन सदस्यीय टोलीमा केन्द्रीय सदस्य राजेश कुमार कर्ण र राजु विश्वकर्मा पनि छन्।
यो टोलीले घटनाका दुवै पक्षका मानिसहरूसँग कुराकानी गर्नेछ। साथै, स्थानीय प्रशासन, प्रादेशिक अस्पतालका चिकित्सक र अन्य सरोकारवालाहरूसँग पनि छलफल गर्ने कार्यक्रम रहेको छ।
छानबिन र छलफलपछि महासङ्घले घटनामा संलग्न व्यक्तिहरूमाथि कानुनी उपचार खोज्ने र अन्य आवश्यक निर्णयहरू लिने तयारी गरेको छ।
यो घटना नेपाल बार एशोसिएसन जनकपुर र नेपाल पत्रकार महासङ्घबीचको जग्गा विवादबाट सुरु भएको हो। पत्रकार महासङ्घले गुठी संस्थानको केन्द्रीय कार्यालयसँगको सम्झौताअनुसार पाएको जग्गालाई बार एशोसिएसनले पार्किङको रूपमा प्रयोग गर्न जग्गालाई कब्जा गर्दै हत्याउन खोजेका थिए । बारले सो सम्झौता खारेजीका लागि अदालतमा मुद्दा पनि दायर गरेको थियो।
यही विवादित जग्गामा पत्रकार सम्मेलन गरेपछि बार एशोसिएसनका वकिलहरूको समूहले पत्रकारहरूमाथि आक्रमण गरेका थिए ।
वकिलहरूले जग्गा आफ्नो स्वामित्वमा रहेको दाबी गर्दै तारले घेरा हाल्न खोज्दा झडप भएको थियो। उक्त घटनामा ६ जनाभन्दा बढी पत्रकारहरू घाइते भएका थिए।
सम्बन्धित शीर्षकहरु
सीमापारी/अन्तराष्ट्रिय
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
रौतहटमा दुर्घटनापछिको तनाव, क्षतिपूर्तिको माग गर्दै पूर्व–पश्चिम राजमार्ग अवरुद्ध
रौतहट । रौतहटको चन्द्रनिगाहपुरस्थित मोथियाही पुल नजिकै शनिबार दिउँसोदेखि मृतकका आफन्तले पूर्व–पश्चिम राजमार्ग अवरुद्ध पारेका छन्।
हेटौंडामा भोलिदेखि देखि सडक विस्तारः २५/२५ गजभित्रका संरचना हटाइने,२५ वटा डोजर र २५ वटा अन्य मेसिन प्रयोग हुने
हेटौंडा । भोलिदेखि हेटौंडाको रातोमाटेदेखि बुद्धचोक हुँदै राप्ती पुलसम्म, साथै बुद्धचोक–सामरी पुल खण्डसम्म पर्ने २५/२५ गजभित्रका घर–टहरा तथा अन्य संरचना भत्काइने भएका छन्।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया