वीरगंज । मधेश प्रदेशका मुख्यमन्त्री सतिश कुमार सिंहले घरेलुतथा साना उधोग कार्यालय लाहानका कर्मचारीलाई कारवाही गर्ने भएका छन । 

मुख्मन्त्री सिंहले चैत १८ गते सिराहको मिर्चैयमा रहेका अस्पतालहरु अनुगमन गरेका थिए । त्यतीबेला सिंहले १४ वटा स्वास्थ्य संसथहरुलाई बन्द गर्न निर्दैशन दिएका थिए । सोही दिन मिर्चैयामा रहेको मुंगेरिया चाट एण्ड स्वीट को मिठाई बनाउने प्लाण्टको पनि अनुगमन गरेका थिए । 

एउटा स्वास्थ्य संस्था अनुगमन गरेर फर्किदा मुख्मन्त्री सिंहलाई शंकालागि सोधपुछ गरे । मिठाई बनाउने ठाउको बारेमा सोधखोज गरेपछि मुंगेरिया चाट एण्ड स्वीटको मिठाई लगायतका परिकार उत्पादन कारखाना हो भन्ने खुल्यो । मुख्मन्त्री सिंहले त्यो कारखाना पनि अनुगमन गरे । 

कारखानामा जताततै फोहर माकुरोको जालो, माखा अन्य फोहरहरु देख्दै घिन लाग्दो वाक्क आउला जस्तो । मुख्मन्त्री सिंहले कारखाना भित्र रहेका पहाड तिर बाट आयात गरिएको खुवा,खाजा,रसभरी,लडडु,अन्य ठिाई लगायतका परिकारको गुणस्तर परिक्षणकोलागि  आदेश दिए ।

मुख्यमन्त्री सिंहको यो अनुगमन प्रक्रियामा घरेलु तथा साना उधोग कार्यालय लहानका कर्मचारी र खाद्य प्रविधि तथा गुण नियन्त्रण कार्यालयका कर्मचारी पनि थिए ।

नमुना संकलनको काम उनीहरुले नै गरेका थिए । तर परिक्षणको रिपोर्ट जव मुख्यमन्त्री समक्ष पुग्यो मुख्यमन्त्री तीन छक्क परे । उनको टाउको भनभन्ती घुम्न थाल्यो । रन्को छुटेर आयो ।

कर्मचारीतन्त्रको पारा देखेर दिक्कदार भए । मुख्यमन्त्री सिंहको टाउको रिगाउने त्यो रिर्पोटमा के थियो ? खाद्य प्रविधि तथा गुण नियन्त्रण कार्यालय राजबिराजले लेखेको त्यो रिपोर्टमा रसभरीको मात्र रिपोर्ट थियो र त्यो गुणस्तरीय रहेको घोषणा गरिएको थियो ।

मुख्यमन्त्री सिंहले ६ वटा उत्पादनको गुणस्तर परिक्षणकोलागि नमुना संकलन भएको तर रिपोर्ट रसभरीको मात्र आएकोले मुख्यमन्त्रीलाई रन्को छुटाएको हो ।

 मुख्यमन्त्रीले त्यो रिपोर्ट पढेपछि आफनो मातहतमा रहेको घरेल तथा साना उधोग कार्यालयका कर्मचारीलाई कारवाहीको दायरामा ल्याउने बताएका हुन ।

उनले खाद प्रविधि तथा गुण नियन्त्रणकार्यालयका कर्मचारीलाई पनि कारवाही गर्थे तर  त्यो कार्यालय आफनो मातहतामा नभएकोले उनले घरेलुका कर्मचारी उपर छानविन गर्ने बताएका हुन ।

घरेलु तथा साना उधोग कार्यालय लहानले पनि त्यही ब्यहोराको प्रतिवेदन मुख्यमन्त्री कार्यालयलाई लेखेको छ । कार्यालयका प्रमुख किशोरीशरण यादव भने अनुगमनमा समेत सहभागि थिए ।

मुख्यमन्त्री सिंहले यो घटनाले कर्मचारीलाई हेर्ने नजरिया नै परिर्वतन भएको आफनो सचिवालयका मन्छेहरुसंग गरेको स्रोतले बतायो  । उनले राम्रो हुन्छ भनेर कसलाई भर गर्ने भन्दै  इमान र निष्ठाको खडेरीले निराशा बढाउने चिन्ता ब्यक्त गरेको स्रोतको  भनाई छ ।