बीरगंज महानगरको दोश्रो अधिवेशनलाई एमाले उपमहासचिव ज्ञवालीले सम्बोधन गर्ने

इसीमाना सम्वाददाता २०८१ चैत १९ गते ०९: २१ मा प्रकाशित 242 पटक पढिएको

वीरगञ्ज । नेकपा एमाले वीरगञ्ज महानगरको दोस्रो अधिवेशनको उद्घाटन पार्टीका उपमहासचिव प्रदीप ज्ञवालीले गर्ने भएका छन ।

बीरगंज महानगरको दोश्रो अधिवेशन चैत्रको २९ गते नेकपा एमालेका बीरगंज महानगरका इन्चार्ज बिचारी यादवले जानकारी दिए ।

पार्टीको बीरगंज महानगर कमटिीको दोश्रो अधिवेशनको उद्धघाटन समारोहलाई सम्बोधन गर्नकालागि पार्टीका उपमहासचिव ज्ञावालीलाई पार्टीका नेताहरुको उक टोलीले काठमाण्डौमा पुगी आमन्त्रण गरेको यन्चार्ज यादवले जानकारी दिए ।

अधिवेशनको बिशिष्ट अतिथिका रूपमा स्थायी कमिटी सदस्य र मधेश प्रदेश ईन्चार्ज लिलानाथ श्रेष्ठको सहभागिता रहने संविधान सभाका सदस्य समेत रहेका नेता यादवले जानकारी दिए ।

अधिवेशनलाई भव्य र सफल बनाउन महानगर कमिटी र महानगर ईन्चार्ज यादवको टोली सक्रिय रुपमा काममा जुटेको छ।

टोलीमा मधेश प्रदेशका सदस्य रामबाबु सिंह र एमालेका युवा नेता एवं लेखा समिति पर्साका संयोजक शिवजी गुप्ता लगायतका नेताहरूको सहभागिता रहेको छ।

महानगरको ३२ वटै वडाबाट प्रतिनिधि छनौट गर्न चैत्र २३ गते भेला आयोजना गरि प्रतिनिधिहरूको छनौट गर्ने जिम्मेवारी दिइएको छ। यस अनुसार, वडाहरूले तयारी पनि शुरू गरिसकेको महानगर ईन्चार्ज यादवले जानकारी दिए।

अधिवेशनको सफलताका लागि पदाधिकारीहरूले विभिन्न उपसमितिमार्फत जिम्मेवारी तोकेर कार्य अघि बढाएको यादवले बताएका छन्।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।