कलैया उपमहानगरपालिका सामाजिक सेवा प्रवाहमा उत्कृष्ट ,प्रधानमन्त्रीद्वारा पुरस्कृत

इसीमाना सम्बाददाता २०८१ चैत ७ गते ०८: २६ मा प्रकाशित 270 पटक पढिएको

कलैया । बारा जिल्लाको कलैया उपमहानगरपालिका सामाजिक विकासमा उत्कृष्ट कार्य गरेबापत पुरस्कृत भएको छ ।

कलैया उपमहानगरपालिका सहित उत्कृष्ट कार्यसम्पादन गरेका छ वटा नगरपालिकालाई प्रधानमन्त्री केपी शर्मा ओलीले पुरस्कृत गरेका छन ।

उत्कृष्ट सामाजिक सेवा प्रवाह गरेका कारण उत्कृष्ट भएको कलैया उपमहानगरपालिकाका प्रमुख बिनोद साहले नगरवासीलाई बधाई दिएका छन ।

उनले नागरिकलाई सेवा प्रवाह गर्न सकेकोले उत्कृष्टा हासिल भएको बताए । उनले जनप्रतिनिधि कर्मचारी प्रशासन सबैको सहयोगकोले सफलता प्राप्त भएको बताए ।

उनले जनप्रतिनिधि र कर्मचारी प्रशासनले गरेको परिश्रमको परिणाम नै पुरस्कार हो भन्दै पुरस्कारको भागीदार सिंगो कलैया उपमहानगरपालिका रहेको बताए ।

नेपाल नगरपालिका सङ्घको ३२औँ दिवसका अवसरमा कार्यसम्पादनका आधारमा उनीहरुलाई पुरस्कृत गरिएको हो ।

प्रधानमन्त्री ओलीले बर्दियाको ठाकुरबाबा नगरपालिकालाई संस्थागत विकास सेवा प्रवाह र वित्तीय सुशासनका लागि पुरस्कार प्रदान गरे ।

यसैगरी, रुपन्देहीको सिद्धार्थनगर नगरपालिकालाई सहरी योजना, पूर्वाधार तथा विपद् व्यवस्थापनका लागि र कलैया उपमहानगर पालिकालाई सामाजिक विकासमा उत्कृष्ट कार्य गरेबापत पुरस्कृत गरिएको हो ।

प्रधानमन्त्रीले मध्यपुर थिमी नगरपालिकालाई वातावरण संस्कृति पर्यटन प्रवद्र्धन तथा आर्थिक विकासका निम्ति नवलपरासीको गैँडाकोट नगरपालिका र कैलालीको घोडाघोडी नगरपालिकालाई पुरस्कार प्रदान गर्नुभयो ।

सङ्घका केन्द्रीय अध्यक्ष भीम ढुङ्गानाका अनुसार संविधानका जानकार काशीराज दाहालको अध्यक्षतामा समिति बनाएर नगरपालिकाको कामको मूल्याङ्कन गरिएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।