सनातन धर्म संस्कृति लाई कमजोर बनाउने योजना असफल बनाउन राप्रपा अध्यक्ष थापाको अपिल

इसीमाना सम्बाददाता २०८१ कार्तिक २७ गते ०५: ३५ मा प्रकाशित 192 पटक पढिएको

बीरगंज । राप्रपा नेपालका अध्यक्ष कमल थापाले मधेशमा योजनाबद्ध रुपमा धर्म परिर्वतनको षडयन्त्र भइरहेको भन्दै गम्भिर चिन्ता ब्यक्त गरेका छन ।

मंगलवार बीरगंजमा पत्रकार सम्मेलनलाई सम्बोधन गर्दै अध्यक्ष थापाले यस्तो चिन्ता ब्यक्त गरेका हुन ।

उनले सनातन धर्म संस्कृति लाई कमजोर बनाउने योजना असफल बनाउन मधेशका जनताकालाई सचेतता पूर्वक लाग्न आग्रह गरे । उनले राप्रपाले सुनसरीको चतराधाम बाट हुलाकी राजमार्ग हुदै जनजागरण अभियान संचालन गर्ने जनाए ।

उनले राज्यको निजामती ,सेना,प्रहरी तथा निजजी क्षेत्रमा समेत तराइ मधेसका जनताको प्रतिनिधित्व समानुपातिक रुपमा सुनिश्चित गर्न आवश्यक रहेको बताए ।

उनले तराई मधेश देशको सबैभन्दा बलियो अंग मेरुदण्डको रुपमा रहेको चर्चा गर्दै अब मधेशलाई आर्थिक, समाजिक राजनीतिक दृस्ठिकोण बाट पनि बलियो क्षेत्रको रुपमा बिकास गर्न राप्रा नेपालले ध्यान दिने बताए ।

उनले मुलुकको राजनीतिको बारेमा चर्चा गर्दै पहिलो दल र दोस्रो दल मिलेर सरकार बनाउनु विश्वमा समेत कहि नभएको न्दै यसले समाधान भन्दा पनि समस्याको सृजना गर्दै शासन ब्यवस्था निरंकुशता तर्फ जाने बताए ।

पत्रकार सम्मेलनमा पार्टीका उपाध्यक्ष राजीव पराजुली , पार्टीका अर्का उपाध्यक्ष धिरेन्द्र झा , लगायत राप्रपा नेपालका कार्यकर्ताहरुको ठूलो संख्यामा उपस्थिति रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।