सेमानीको प्रश्नको जवाफ दिने नैतीक साहास कोही कसैमा छ ?

इसीमाना सम्बाददाता २०८१ भदौ १७ गते १३: १६ मा प्रकाशित 261 पटक पढिएको

बीरगंज । सदभावना पार्टीबाट राजनीति प्रारम्भ गरेका नेजामुदिन सेमानी खासमा भूईमान्छेका नेता हुन ।

सोमवार उनले आफनो फेसबुक पेजमा प्रेस बिज्ञप्ति पोष्ट गरेका छन । उनले राज्यको चरित्र माथि पोष्ट मार्फत पेचिलो प्रश्न उठाएका छन ।

पर्सा जिल्लाको भौगोलिक अवस्थितिका कारण सदरमुकाम हुन लायक शहरउन्मुख पोखरियामा रहेको अस्पताललाई प्रादेशी अस्पताल बनाउने अभियानको बिडो उनैले बोकेका छन ।

अरुको पनि सहयोग हुनु स्वभाविक छ । तर सेमानीको लगावलाई नजरअन्दाज गर्न नमिल्नेगरि उनी यो अभियानमा जोडिएका छन । उनले आफनो पेजमा मंत्रीहरुसंगका तस्विर समेत पोष्ट गरेका छन र भनेका छन नेपालमा काम गर्न कति समय लाग्छ ? उनले भनेका छन ।

पोखरिया अस्पताललाई प्रादेशिक अस्पताल बनाउन मधेश प्रदेश सरकार तथा संघीय सरकारलाई पटक पटक ध्यानाकर्षण गराए पनी हालसम्म कार्यान्वयन न हुनु दुर्भाग्य हो ।

उनले मंत्री र मंत्रालयहरुमा धाएको फोटो र तिथि मिति सहितको तालिका पनि हालेका छन भनेका छन “हाम्रो देशको मन्त्रालयहरूको काम गर्ने तरिका, स्पिड यसै तालिका बाट स्पष्ट भएको देखिन्छ ”।

एक मन्त्रालय बाट अर्को मन्त्रालयमा जबाफ पठाउन कति दिन लाग्छ ? जनताले तिरेको कर बाट तलब भत्ता खाने तर समयमा काम न गर्ने जन प्रतिनिधि तथा राष्ट्र सेवक कर्मचारीहरूलाई के भन्ने ? के यसको जवाफ दिने नैतीक साहास कोही कसैमा छ ?

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।